દેવું / વધુ એક બેંકના 1900 કરોડ ડૂબ્યા; આ ભારતીય બિઝનેસમેનની કંપની કોર્ટના સકંજામાં

NMCના સ્થાપક BR શેટ્ટી અને તેમની અન્ય કંપનીઓને ભારતીય કોર્ટે સુનાવણી ચાલે છે ત્યાં સુધી કોઈ પણ સંપત્તિની ખરીદ વેચાણ ઉપર ભારતીય કોર્ટે પ્રતિબંધ મૂકી દીધો છે. નોંધનીય છે કે આશરે 1900 કરોડ રૂપિયાની લોનના બદલામાં શેટ્ટી અને તેની પત્નીએ દેશના અલગ અલગ શહેરમાં આવેલ તેમની 16 પ્રોપર્ટીને ગેરંટી તરીકે રાખી હતી. આ પૈકીની સંપત્તિઓ બેંગ્લોરમાં પણ આવેલી છે. બેંગ્લોરની અદાલતે આગામી સુનાવણી 8 જુને ગોઠવી છે. 

NMCએ United Arab Emiratesની સૌથી મોટી ખાનગી હેલ્થકેર કંપની છે જેને એપ્રિલ મહિનામાં તપાસ હેઠળ મુકવામાં આવી હતી. આ સંસ્થામાં મહિનાઓથી ગોટાળા ચાલી રહ્યા હતા. માર્ચમાં તેમણે સ્વીકાર્યું કે તેમનું દેવું 6.6 અબજ ડોલર છે જે અંદાજમાં મુકાયેલા 2.1 અબજ ડોલર કરતા ઘણું વધારે છે. આ ઉપરાંત તેમની અન્ય કંપની Finablrએ એપ્રિલમાં જણાવ્યું હતું કે તેમનું દેવું તેમના અગાઉના અંદાજા કરતા 1 અબજ ડોલર વધુ હોવાની સંભાવના છે.  

નોંધનીય છે કે બેંક ઓફ બરોડાએ કોર્ટમાં ફાઈલ કરી હતી કે લોન ભરવામાં નિષ્ફળ જનાર NMC માટે તેની 16 પ્રોપર્ટીના ટાઈટલ મોર્ગેજ હેઠળ બેંક ઓફ બરોડાને હસ્તક કરવા ફરજિયાત છે.