IPLIN
 
  • Home
  • Business
  • nline Aadhar Updation address update in Aadhaar card using Rent Agreement uidai new rules

સુવિધા / ભાડુઆતો માટે સરકારે આપી આ નવી સુવિધા, હવે Aadhar અપડેટ કરવામાં નહીં પડે તકલીફ

Team VTV 02:58 PM, 20 Sep 19 | Updated: 09:27 PM, 20 Sep 19
Follow us
nline Aadhar Updation address update in Aadhaar card using Rent Agreement uidai new rules

આજકાલ બેંકથી લઇને તમામ સરકારી દસ્તાવેજમાં આધાર કાર્ડનો ઉપયોગ દિવસેને દિવસે વધી રહ્યો છે. પરંતુ જો તમે ભાડાના મકાનમાં રહો છો તો આ સમાચાર તમારા માટે મહત્વના છે. જો તમે તમારું નિવાસ સ્થાન બદલ્યુ છે અથવા તો કમાવવા માટે બીજા શહેરમાં આવ્યા છો અને ભાડાના મકાનમાં રહો તો UIDAI એ પોતાના સત્તાવાર ટ્વિટર હેન્ડલ માટે એક વિશેષ સૂચના જારી કરવામાં આવે છે જે મહત્વપૂર્ણ છે. 

UIDAI એ ભાડામાં રહેનારા લોકો માટે એડ્રેસ એપડેટ કરવા માટે નવી પ્રોસેસ જણાવી છે. આ પ્રક્રિયામાં તમે રેન્ટ અગ્રીમેન્ટનો ઉપયોગ કરીને આધારમાં તમારું સરનામું બદલી શકો છો, પરંતુ રેન્ટ અગ્રીમેન્ટ પર જે-તે (જેણે બદલાવાનું હોય) વ્યકિતના નામે હોવુ જોઇએ. તો જાણીએ ઘરે બેઠા આધારમાં રેન્ટ અગ્રીમેન્ટની મદદથી કેવી રીતે એડ્રેસ બદલી શકાય છે. 

આ રીતે કરો રેન્ટ અગ્રીમેન્ટ અપડેટ:

- આધારમાં તમારું રેન્ટ અગ્રીમેન્ટ બદલવા તમારે તમારાં રેન્ટ અગ્રીમેન્ટને પહેલાં સ્કેન કરવું પડશે. ત્યારબાદ તે ડોક્યૂમેન્ટની PDF બનાવી આધારની વેબસાઇટ પર અપડેટ કરવાનું રહેશે.

- સૌ પ્રથમ, તમારે UIDAIની ઓફિશિયલ વેબસાઇટ https://uidai.gov.in/ પર જવું પડશે.

- ત્યારબાદ હોમપેજ પર જોવા મળતા અડ્રેસ અપડેટ રિક્વેસ્ટ (ઓનલાઇન) પર ક્લિક કરો.
નવી વિન્ડોમાં અપડેટ અડ્રેસ પર ક્લિક કરો.

- આધાર કાર્ડ નંબર દાખલ કરો અને લોગ ઈન કરો.

- ત્યારબાદ તમને મોબાઇલ પર OTP (વન ટાઇમ પાસવર્ડ) મળશે.

- OTP દાખલ કરો અને પોર્ટલ પર જાઓ.

આધાર સેન્ટર પર જઇને પણ બદલી શકો છો એડ્રેસ

જો તમે આ પ્રક્રિયા ઑનલાઇન નથી કરી શકતા તો તમે આધાર સેન્ટરથી આધાર અપડેશન અથવા તો કરેક્શનનો ફોર્મ લો. આ સિવાય તમે UIDAI ની વેબસાઇટથી ડાઉનલોડ સેક્શનથી પણ ફોર્મ ડાઉનલોડ કરીને પ્રિન્ટ કરી શકો છો. તમામ જાણકારી સહિત જે ડિટેલ અપડેટ કરાવવાની છે તેણે ભરીને આધાર સેન્ટરમાં જમા કરાવી દો. આ સાથે જ આધાર કાર્ડની ફોટોકૉપી સહિત પેન કાર્ડ, વોટર કાર્ડ અથવા તો પાસપોર્ટની ફોટોકૉપી આપવાની રહેશે. તમે આધાર કેન્દ્ર પર જઇને તમારું નામ, સરનામું, જન્મ તારીખ, મોબાઇલ નંબર, ઇ-મેઇલ ID, ફોટો અને બાયોમેટ્રિક ડિટેઇલ્સ (ફિંગર પ્રિન્ટ અને આંખનું સ્કેનિંગ) અપડેટ કરાવી શકો છો.

આટલો છે ચાર્જ: 

નામ, સરનામું, જેન્ડર, ઇમેઇલ ID, મોબાઈલ નંબર જેવી વિગતો અપડેટ કરવા માટે હવે 50 રૂપિયા લેવામાં આવશે. અગાઉ તેની ફી 25 રૂપિયા હતી. હવે બાયોમેટ્રિક વિગતો અપડેટ કરવા માટે રૂ .50 ની ફી લેવામાં આવશે. આ ચાર્જમાં ટેક્સ પણ શામેલ કરવામાં આવ્યો છે. 

national business આધાર આધાર અપડેટ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ