લો બોલો / હવે ભાગેડુ નિત્યાનંદ બાબાએ જે કામ કર્યુ તે વાંચીને ઊભાં થઈ જશો

• નિત્યાનંદ ફરી એકવાર વિવાદમાં 
• નિત્યાનંદે કૈલાસા બેન્કની કરી ઘોષણા
• 22 ઓગસ્ટે મુદ્રા પાડશે બહાર 

નવો વીડિયો વાયરલ

રેપનો આરોપી બાબા નિત્યાનંદની શોધખોળ ભારતની તપાસ એજન્સી કરી રહી છે પરંતુ નિત્યાનંદ તેના અજ્ઞાત સ્થાન ઉપરથી નવી નવી ઘોષણા કરી રહ્યો છે. ઇન્ટરનેટ પર તેનો એક વીડિયો વાયરલ થયો છે, જેમાં નિત્યાનંદે એલાન કર્યુ છે કે આ 22 ઓગસ્ટે ગણેશ ચતુર્થીના દિવસે તે રિઝર્વ બેન્ક ઓફ કૈલાસા તરફથી ઓપચારિક મુદ્રા બહાર પાડશે. 

શું કહ્યું નિત્યાનંદે
મલયાલમ ભાષાના આ વીડિયોમાં નિત્યાનંદ કહી રહ્યો છે કે, હાલમાં રિઝર્વ બેન્ક ઓફ કૈલાસાની આર્થિક નીતિઓ તૈયાર કરી લેવામાં આવી છે. વધુમાં તેણે કહ્યું કે, ગણપતિની કૃપાથી જલ્દી જ રિઝર્વ બેન્ક ઓફ કૈલાસાનું વિવરણ સામે આવશે. 

નિત્યાનંદે વધુમાં જણાવ્યું કે, તેની સંપૂર્ણ અર્થવ્યવસ્થા અને આર્થિક નીતિ માટે 300 પેજના દસ્તાવેજ તૈયાર કરી લેવામાં આવ્યા છે. દુનિયાના બાકીના દેશોની જેમ કૈલાસા પણ દરેક પ્રકારની નીતિઓ બનાવશે. 

તમને જણાવી દઇએ કે, ગયા વર્ષે નિત્યાનંદનો એક વીડિયો વાયરલ થયો હતો જેમાં તેણે કૈલાસાના ગઠણની ઘોષણા કરી હતી. આ દેશ ક્યાં છે તે વિશે કોઇને પણ જાણકારી નથી. કૈલાસાની એક વૅબસાઇટ છે જેમાં કહેવામાં આવ્યું છે કે આ દેશ સીમારહિત દેશ છે.