દિલ્હી વિધાનસભાની ચૂંટણી બાદ હવે બિહારમાં રાજકીય મુકાબલો થવાનો છે. બિહારમાં વર્ષના અંતમાં વિધાનસભા ચૂંટણી થવાની છે. આ જ કારણ છે કે દિલ્હીના ચૂંટણી પરિણામો પર જે લોકોની નજર હતી. તેમાં બિહારના મુખ્યમંત્રી નીતિશ કુમારનું નામ મુખ્ય છે. દિલ્હીના રાજકીય દંગલમાં ભાજપ નેતાઓએ હિન્દુત્વ અને રાષ્ટ્રવાદ કાર્ડ દ્વારા ચૂંટણી લડી.
તો JDU ભાજપ સાથે મળીને દિલ્હીની બે બેઠક પર ચૂંટણી લડી. જોકે JDUને એક પણ બેઠક ન મળી. ત્યારે હવે બિહારમાં ભાજપ અને JDU સાથે મળીને ચૂંટણી મેદાને ઉતરશે. મળતી માહિતી મુજબ ભાજપ નીતિશ કુમારના નેતૃત્વમાં ચૂંટણી લડશે. જેમાં મોદી-નીતિશ પ્રથમવાર વિધાનસભા ચૂંટણીમાં એક સાથે આવશે. બિહારમાં બે ગઠબંધન વચ્ચે ચૂંટણી લડાશે. જેમાં NDAમાં ભાજપની સાથે JDU અને LJP હશે.
બિહારમાં ગઠબંધન
તો મહાગઠબંધનમાં RJD, કોંગ્રેસ, RLSP અને અન્ય નાની પાર્ટીઓ સામેલ હશે. બીજી તરફ કન્હૈયા કુમાર પણ CAA વિરુદ્ધ બિહારમાં રેલીઓ સંબોધી રહ્યા છે. જેની પણ અસર પડી શકે છે. નીતિશ કુમાર કામ અને સુશાસનના નામે 3 ચૂંટણી જીતી ચૂક્યા છે.
બિહારમાં ભાજપના કપરા ચઢાણ
પણ આ વખતની ચૂંટણીમાં ગણાવવા લાયક કોઈ કામ નીતિશ કુમારે કર્યા નથી. બીજી તરફ મોદી સરકાર પાસે પણ રામ મંદિર, CAA અને કલમ 370 સિવાય કોઈ મુદ્દા નથી. ત્યારે બિહારમાં નીતિશ કુમારનો ચહેરો હશે. અને ભાજપનું સંગઠન હશે. આમ બન્ને પાર્ટીને એક બીજા વિના ચૂંટણી લડવી અઘરી સાબિત થઈ શકે છે.