VTVએ ડંકાની ચોટ પર કરેલા મોટા પર્દાફાશ મામલે હવે સરકારે મીઠાના માફીયા સામે કાર્યવાહી કરવાની હામ ભરી છે
મીઠા કાળા કારોબાર પર DyCM નીતિન પટેલનું નિવેદન
જવાબદારો સામે સરકાર લેશે પગલા-નીતિન પટેલ
VTVએ કર્યો છે મીઠાના કાળા કારોબારને લઇને સૌથી મોટો પર્દાફાશ
સફેદ મીઠાના કાળા કારોબારને લઇને સૌથી મોટો પર્દાફાશ VTVએ કર્યો છે ત્યારે વીટીવીની આ મુહિમ રંગ લાવી છે મીઠાના માફિયા સામે સરકાર કડક પગલાં લેશે અને કાળો કારોબાર કરનારા સામે આવશે તો કાર્યવાહી કરવાની પણ સરકારે તૈયારી બતાવી છે.
કાળો કારોબાર કરનારા સામે આવશે તો સરકાર ભરશે પગલા-નીતિન પટેલ
મીઠાના કાળા કારોબારને લઇને સૌથી મોટા પર્દાફાશ પર નીતિન પટેલે નિવેદન આપતા કહ્યું છે કે જવાબદારો સામે સરકાર કડક પગલા લેશે, સરકારે ટોકન ભાવે પણ જમીન આપી છે, મીઠાના કારોબાર અંગે સરકાર રોયલ્ટી વસૂલે છે પણ તેમાં પણ જો કોઈ ખોટું કરતું હશે તો સરાકર તાત્કાલિક રૂપે કડક પગલાં ભરશે. વધુમાં તેમણે કહ્યું હતું કે મીઠાનું સૌથી વધુ ઉત્પાદન ગુજરાતમાં થાય છે. દરેક જાતના મીઠાનું ગુજરાતના ગરીબ અગરો ઉત્પાદન કરે છે. જે માટે કોઈને મધ્યમ કક્ષાના અગરોને લીઝ તો ગરીબ અગરોને સરકારે ટોકન ભાવે જમીન આપી છે. મોટા મીઠા ઉત્પાદકો પાસેથી સરકાર રોયલ્ટી પણ વસૂલ કરે છે તેમ છતાંય જો કોઈ મીઠાની કાળા બજારી કરી રહ્યું હશે તો સરકાર જરૂર તેમના સામે કડક પગલાં ભરશે.
સફેદ રણમાં કૌભાંડનું કાળું કલંક
ગુજરાતનું કચ્છ પોતાની આગવી ઓળખ અને સંસ્કૃતિ તથા પોતાની સફેદ રેતીની સુંદરતા માટે વિશ્વભરમાં પ્રખ્યાત છે. પરંતુ સફેદ કચ્છમાં ઘણા નેતાઓ અને અધિકારીઓ ભેગા થઈને કૌભાંડનો કાળો ડાઘ લગાવી રહ્યા છે. VTV Newsએ કચ્છમાં મીઠાનાં કાળા કારોબારનો પર્દાફાશ કર્યો છે. કચ્છમાં મીઠું પકવવાનું ખૂબ મોટા પાયે બિઝનેસ ચાલે છે પરંતુ અધિકારીઓ અને નેતાઓ ભેગા થઈને હવે લાખો એકર જમીનમાં ગેરકાયદેસર મીઠું પકવીને મબલખ પૈસા ઘરભેગા કરી રહ્યા છે. VTV News દ્વારા કરવામાં આવેલ તપાસમાં જાણવા મળ્યું કે કચ્છમાં આડેસરથી મુન્દ્રા, સુરજબારીથી નવલખીમાં લાખો એકર જમીન પર અગર માફિયાઓ અડ્ડો જમાવીને બેઠા છે.
તંત્રને કઈ દેખાતું નથી? કે પછી નેતાઓ જ સામેલ હોવાથી આંખ આડા કાન?
મીઠા માફિયાઓ કચ્છમાં ખૂલેઆમ અભયારણ્ય અને સરકારી જમીનો પર અગર બનાવીને પૈસા કમાઈ રહ્યા છે ત્યારે અધિકારીઓનાં પાપે મીઠા માફિયાઓને ખુલ્લુ મેદાન આપી દેવામાં આવ્યું છે. જોકે માત્ર અધિકારીઓ જ નહીં આ કૌભાંડમાં કેટલાય મોટા નેતાઓના તાર પણ અડતા હોવાના સમાચાર છે. મીઠા માફિયાઓ બેફામ રીતે દાદાગીરી કરે છે, સ્થાનિક ગ્રામજનો તમામ વસ્તુઓ નજરે જોઈ રહ્યા છે અને તંત્ર ચૂપ બેઠું છે. જોકે VTV Newsનાં કારોબારમાં આ સમગ્ર કૌભાંડ કેદ થઈ ગયું છે.
કઈ જમીનો પર ચાલે છે ગેરકાયદે અગર?
કચ્છનાં મુંદ્રા, કંડલા અને અંજારમાં વન વિભાગ તથા રેવન્યુ વિભાગની જમીનો પર ગેરકાયદે અગર બનાવી દેવામાં આવ્યા છે. આ સિવાય રાપર, આદેસરના પટ્ટામાં આખે આખા ગામે ગામ ગેરકાયદેસર અગર બનાવી દેવાયા છે. સરકારની જમીનો પર ઉદ્યોગપતિ અને નેતાઓના સગાઓ અગરના માફિયા બનીને અડિંગો જમાવીને બેઠા છે અને સરકારની નજર સામે જ આ બધો કાળો કારોબાર ચાલી રહ્યો છે, સરકાર બોલે પણ કેમ? આ બધુ ફ્રીમાં થોડું ચાલે છે, ઉપર સુધી હપ્તા જાય છે.
ગેરકાયદેસર લીઝ જોવા મળી છે.
મીઠાના કાળા કારોબારમાં ભાગીદાર કોણ ?
વન વિભાગ - સેંકડો એકર જમીનમાં ગેરકાયદે લીઝ
રેવન્યુ વિભાગ - સેંકડો એકર જમીનમાં ગેરકાયદે લીઝ
પીજીવીસીએલ - ગેરકાયદે લીઝમાં ગેરકાયદે વીજ કનેકશન
પોલીસ - ગેરકાદેસર પ્રવૃતિ છતાં કોઇ કાર્યવાહી નહીં
રાજનેતાઓ - રાજકિય શક્તિનો ઉપયોગ કરી ગેરકાયદે લીઝ
કંટલા પોર્ટ - અધિકારીની મીલી ભગતની પોર્ટની જમીન પર કબ્જો
જીપીસીબી - પ્રદુષણ હોવા છતાં કોઇ એકશન નહીં
કોની કોની છે મીઠાની લીઝ ?
સામજી કાનગડ -નીલકંઠ ગ્રૂપ
તેજા મેમા આહીર - TM સોલ્ટ
વાઘુભા જાડેજા -મોટી ચીરઇ
મેઘુભા ઝાલા - કચ્છ
આ ઉપરાંત ભચાઉ, સુરજબારીથી મુન્દ્રાના ગામ, માળિયા મિયાણા, મોરબી તાલુકાના અનેક ગામ