બજેટ 2020 / ખેડૂતોને હવે રાતે પાણી વાળવા જવાની જરૂર નહીં પડે, રાજ્ય સરકાર કર્યો આવો નિર્ધાર

• ગુજરાત સરકારનું બજેટ 2020 વિધાનસભામાં રજૂ
• ઊર્જા અને પેટ્રો કેમિકલ્સ માટે કુલ 13 હજાર કરોડની બજેટમાં કરાઇ જોગવાઈ
• ખેડૂતોને દિવસે વીજળી આપવાનો સરકારનો નિર્ધાર 

નાણામંત્રી નીતિન પટેલે કચ્છ ખાતે દુનિયાના સૌથી મોટા હાઇબ્રીડ પાર્કના નિર્માણથી તે એક જ સ્થળેથી સૌર અને પવન ઊર્જા દ્વારા વાર્ષિક ૨૫,૦૦૦ મેગાવોટ ઊર્જા ઉત્પન્ન કરતું દુનિયાનું સૌથી મોટું સ્થળ બનશે. 

ખેડૂતોને દિવસે વીજ પુરવઠો આપવાનો સરકારનો નિર્ધાર 

તેમણે વધુમાં જણાવ્યું હતું કે, અમારી સરકાર દ્વારા ખેડૂતોને પૂરતા વીજ જોડાણ સાતત્યપૂર્ણ અને ગુણવત્તાયુક્ત વીજ પુરવઠો પૂરો પાડવામાં આવે છે. હવે ખેડૂતોની વર્ષો જૂની માંગણી પૂરી કરવા દિવસ દરમિયાન વીજ પુરવઠો પૂરો પાડવાનો અમે નિર્ધાર કર્યો છે. 

નીતિન પટેલે નવી દિનકર યોજના જાહેર કરી હતી. આ યોજનામાં આગામી ત્રણ વર્ષમાં ટ્રાન્સમિશન નેટવર્કને સુદઢ કરવા તેમજ નવા સબ સ્ટેશનો સ્થાપવા રૂ.૩૫૦૦ કરોડનું આયોજન છે. જે માટે રૂ.૫૦૦ કરોડની જોગવાઈ.

શું લાભ મળશે આ જોગવાઇ અંતર્ગત 

• આશરે એક લાખ કૃષિ વિષયક વીજ જોડાણો આપવા માટે રૂ.૧૪૮૯ કરોડની જોગવાઇ . 
• ખેતીનો ખર્ચ ઘટાડવા ખેડૂતોને રાહત દરે વીજ પુરવઠો પૂરો પાડવા માટે સબસિડી આપવા રૂ ૭૩૮૫ કરોડની જોગવાઈ . 
• લોકપ્રિય સૂર્ય ગુજરાત યોજના અંતર્ગત સોલર રૂફટોપ માટે સબસિડી આપવા માટે રૂ.૯૧૨ કરોડની જોગવાઈ . 
• તમામ ગ્રામ પંચાયતોના વોટર વર્કસને વિનામૂલ્ય વીજળી પૂરી પાડવા માટે રૂ.૭૬૫ કરોડની સબસિડીની જોગવાઈ . 
• આગામી વર્ષે ૧૪૦ નવા સબસ્ટેશનો સ્થાપવાનું આયોજન છે . જે માટે રૂ.૪૨૧ કરોડની જોગવાઈ . 
• GETCOના સબસ્ટેશનની નજીકમાં આવતી સરકારી જમીનમાં ગુજરાત સ્ટેટ ઇલેકિટ્રસિટી કોર્પોરેશન લિમિટેડ દ્વારા તબક્કાવાર ૨૫૦૦ મેગાવોટ સૌર ક્ષમતાના સોલાર પી.વી.પ્રોજેક્ટ સ્થાપના અંતર્ગત, આ વર્ષે ૨૫૦ મેગાવોટ ઉત્પન્ન કરવા રૂ. ૪૪૯ કરોડની જોગવાઈ . 
• જૂના જર્જરિત વીજ વાયરોને બદલવા , નડતર રૂપ વીજ માળખાના સ્થળાંતર માટે , લાંબા ખેતીવાડી ફિડરોના વિભાજન માટે , કિસાન હિત ઊર્જા શક્તિ યોજનાના અમલીકરણ તથા સીમ શાળાઓમાં થ્રી ફેઝ વીજ પુરવઠો પૂરો પાડવા રૂ.૩૦૫ કરોડની જોગવાઈ . 
• ગુજરાત સ્ટેટ ઇલેકિટ્રસિટી કોર્પોરેશન લિમિટેડ અને ગુજરાત ઇલેકિટ્રસિટી ટ્રાન્સમિશન કોર્પોરેશનને શેરમૂડી ફાળા માટે રૂ.૨૭૫ કરોડની જોગવાઈ. 
• ગજરાત સ્ટેટ ઇલેકિટ્રસિટી કોર્પોરેશન લિમિટેડના પાવર જનરેશન યુનિટોના આધુનિકીકરણ અને રેટ્રોફિટિંગ માટે રૂ.૧૫૦ કરોડની જોગવાઈ. 
• પ્રધાનમંત્રી કુસૂમ યોજના અંતર્ગત ૧૮, ૫૦૦ ગ્રીડ કનેકટેડ પંપને સોલારાઇઝ કરવા તથા સ્ટેન્ડ અલોન - ઓફ ગ્રીડ સોલાર પાવર એગ્રીકલ્ચર પંપ માટે કુલ રૂ.૧૨૫ કરોડની જોગવાઇ.
• રાજયના ઓછી આવક ધરાવતા તેમજ આદિજાતિ, અનુસૂચિત જાતિના પાત્રતા ધરાવતા અંદાજે ૪૬,૨૫૦ પરિવારોને ઘર વપરાશનું વીજ જોડાણ આપવા રૂ.૨૫ કરોડની જોગવાઇ.