પ્રોજેક્ટ / વધુ એક ક્ષેત્રમાં દુનિયા પર ભારત કરશે રાજ, કેન્દ્રીય મંત્રી નીતિન ગડકરી આજે કરવા જઈ રહ્યાં છે આ મોટું કામ

• ગ્રીન હાઇડ્રોજનની દુનિયામાં ભારતનું મોટું પગલું
• નીતિન ગડકરી કરશે FCEV પાયલોટ પ્રોજેક્ટનું ઉદ્ઘાટન
• દિલ્હીથી જયપુર વચ્ચે બનશે ભારતનો પ્રથમ ઇલેક્ટ્રિક હાઇવે!

મંત્રાલય દ્વારા મંગળવારનાં રોજ આ અંગેની જાણકારી આપવામાં આવી હતી. કેન્દ્રીય માર્ગ પરિવહન અને ધોરીમાર્ગ મંત્રી નીતિન ગડકરી (Nitin Gadkari) આજે હાઇડ્રોજન આધારિત આધુનિક ઇંધણ સેલ ઇલેક્ટ્રિક વ્હીકલ્સ (FCEV) માટેના પાયલોટ પ્રોજેક્ટનું ઉદ્ઘાટન કરશે. ટોયોટા કિર્લોસ્કર મોટરે ઇન્ટરનેશનલ સેન્ટર ફોર ઓટોમોટિવ ટેક્નોલોજી (ICAT) સાથે મળીને વિશ્વના સૌથી અદ્યતન FCEV Toyota Mirai ના અભ્યાસ અને મૂલ્યાંકન માટે એક પાયલોટ પ્રોજેક્ટ હાથ ધર્યો છે. જે ભારતીય રસ્તાઓ અને આબોહવાની પરિસ્થિતિઓમાં હાઇડ્રોજન પર ચાલે છે.

દેશમાં આ પ્રકારનો પ્રથમ પ્રોજેક્ટ હશે કે જેનો હેતુ હાઇડ્રોજન, FCEV ટેક્નોલોજીના વિશે જાગૃકતતા ફેલાવવા અને ભારતમાં હાઇડ્રોજન આધારિત સોસાયટીન સહાયતા માટે તેના લાભોનો પ્રસાર કરવાનો છે.

केंद्रीय मंत्री श्री @nitin_gadkari जी 16 मार्च, बुधवार, दोपहर 2 बजे नई दिल्ली में दुनिया के सबसे उन्नत टेक्नोलॉजी से विकसित ग्रीन हाइड्रोजन पर चलने वाली 'फ्यूल सेल इलेक्ट्रिक व्हीकल' (FCEV) Toyota Mirai का उद्घाटन एवं प्रदर्शन करेंगे। pic.twitter.com/I7oDM6lTtj

— Office Of Nitin Gadkari (@OfficeOfNG) March 15, 2022

પ્રથમ ઇલેક્ટ્રિક હાઇવે!

કેન્દ્રીય મંત્રી નીતિન ગડકરીએ દેશમાં રસ્તાઓના વિસ્તરણમાં મહત્વની ભૂમિકા ભજવી છે. તેમનું કહેવું છે કે, દિલ્હીથી જયપુર વચ્ચે ભારતનો પહેલો ઇલેક્ટ્રિક હાઇવે બનાવવો તે એક મોટું સપનું છે. રાજધાની દિલ્હીમાં એક કાર્યક્રમને સંબોધતા ગડકરીએ કહ્યું કે, 'મારું સપનું દિલ્હી અને જયપુર વચ્ચે ઈલેક્ટ્રિક હાઈવે બનાવવાનું છે. તેમના મંત્રાલય પાસે વિશાળ બજેટ છે અને બજાર પણ તેને સમર્થન આપવા તૈયાર છે.'