કેન્દ્રીય મંત્રી નિતિન ગડકરીએ એક ખાનગી ચેનલનાં ઇન્ટરવ્યૂહમાં દિલ્હીની આસપાસ 60 કરોડનાં ખર્ચે બની રહેલ રસ્તાઓનાં વિશે જણાવ્યું. તેમણે જણાવ્યું કે આવનારાં સમયમાં દિલ્હીથી જયપુર, હરિદ્વાર, અમૃતસર જેવા શહેરોનું અંતર માત્ર 2 કલાકની અંદર કાપી શકાશે.
નિતિન ગડકરીએ રોડ ઇન્ફ્રાસ્ટ્રક્ચર પર કર્યું મોટું એલાન
દિલ્હીથી જયપુર-અમૃતસર પહોંચાશે માત્ર 2 કલાકમાં
60 કરોડનાં ખર્ચે બની રહ્યાં છે અમેરિકા સમાન રસ્તાઓ
કેન્દ્રીય મંત્રી નિતિન ગડકરીએ દેશનાં રોડ ઇન્ફ્રાસ્ટ્રક્ચર પર વાત કરી. તેમણે દાવો કર્યો કે હું જેવી રીતે દેશમાં રોડ બનાવી રહ્યો છું 2024નાં અંત સુધી દેશનાં રોડ ઇન્ફ્રાસ્ટ્રક્ચરને અમેરિકા સમાન બનાવી દઇશ.
60 હજાર કરોડનાં રસ્તાઓ
તેમણે જણાવ્યું કે તે દિલ્હીની આસપાસ આશરે 60000 કરોડ રૂપિયાનાં રોડ-રસ્તા બનાવી રહ્યાં છે. દેશમાં 26 ગ્રીન હાઇ-વે બનાવી રહ્યો છું. હું તમને દિલ્હીથી જયપુર- અમૃતસર, દેહરાદૂન મા6 2 કલાકમાં પહોંચાડીશ. હું તમને દિલ્હીથી મુંબઇ માત્ર 12 કલાકમાં લઇ જઇશ.
અમેરિકા સમાન રોડ ઇન્ફ્રાસ્ટ્રક્ચર
તેમણે કહ્યું કે હાઇવેની બનાવટ આ ડિસેમ્બરનાં અંત સુધી શરૂ કરવાનાં પ્રયત્નો તે કરી રહ્યાં છે. તેમણે દાવો કર્યો છે કે 2024નાં અંત સુધીમાં યૂપી-બિહાર સહિત સમગ્ર દેશનાં રોડ ઇન્ફ્રાસ્ટ્રકચરને અમેરિકાની સમકક્ષ લઇ આવશે. તેમણે કહ્યું કે હું જ્યારે પણ ક્યાય જાઉં છું અને કહું છું કે હું અહીં રોડ બનાવી આપીશ ત્યારે વિપક્ષમાં બેઠેલા લોકો પણ કહે છે કે હું અહીંયા રહ્યો છું તો આ હું કરી દેખાડીશ.
સ્પીડ લિમિટ માટે બદલાશે નિયમો
કેન્દ્રીય મંત્રીએ જણાવ્યું કે કારણ કે રોડ સારાં થઇ ગયાં છે તેથી સ્પીડ લિમિટને લઇને પણ કાયદાઓ બદલાશે. તેમણે કહ્યું કે તમામ રાજ્યોમાં પરિવહન મંત્રીઓની સાથે દિલ્હીમાં એક બેઠક કરવાનાં છે જેમાં એ નક્કી કરવામાં આવશે કે એક્સિસ કંટ્રોલ એક્સપ્રેસ, સિક્સ લેન, ફોર લેન માટે કેટલી સ્પીડ લિમિટ હશે.
1 રૂપિયો પણ લીધો નથી- નિતિન ગડકરી
નિતિન ગડકરીએ જણાવ્યું કે 50 લાખ કરોડનો કોન્ટ્રાક્ટ દેવામાં આવ્યો છે પરંતુ એકપણ કોન્ટ્રાક્ટર તેમના પર આરોપ નહીં લગાવી શકે કે કામ લેવા માટે તેમને પૈસા આપવા પડ્યાં હતાં.
રબરનાં પાઉડરથી બનશે રોડ
કેન્દ્રીય મંત્રીએ જણાવ્યું કે કેન્દ્ર સરકાર જે સ્ક્રેપિંગ પોલિસી લઇને આવ્યું છે તેનાં અંતર્ગત 15 વર્ષથી વધુ જુનાં વાહનોનો સ્ક્રેપ કરવાનો ઓર્ડર કાઢવામાં આવ્યો છે. તેનાથી એલ્યુમિનિયમ, સ્ટીલ, કોપર, મેટલ સસ્તો થશે. આ સિવાય કાર ટ્રકની ક્વોલિટી પણ સારી થશે અને આપણું એક્યપોર્ટ વધશે. ટાયરથી નિકળતાં રબરનાં પાઉડરનો ઉપયોગ કરીને રબરાઇઝ્ડ બિટુમેનનાં રૂપમાં રસ્તાઓ બનાવવામાં આવી રહ્યાં છે.
ચીનમાં યૂનિટ સ્થાપશે તો એલન મસ્કને સબસિડી નહીં- ગડકરી
તેમણે કહ્યું રે એલન મસ્ક જો ભારતમાં આવવા ઇચ્છે છે તો તેમનું સ્વાગત છે પરંતું ચીનમાં જો મેન્યુફેક્ચરિંગ યૂનિટ બનાવીને ભારતમાં માર્કેટિંગ કરવા માટે તેમને કન્સેશન મળશે નહીં. તે ભારતમાં જ્યાં ઇચ્છે ત્યાં મેન્યુફેક્ચરિંગ યુનિટ બનાવી શકશે અને તેમને તેનો ફાયદો પણ મળશે.