IPLIN
 
  • Home
  • India
  • Nitin gadkari motor vehicle act 2019 traffic fines traffic fines

દંડ / રસ્તા ખરાબ હશે તો કોન્ટ્રાક્ટરોને થશે આટલો દંડ, નીતિન ગડકરીએ ટ્વિટ કરી જણાવ્યું

Team VTV 04:21 PM, 28 Sep 19 | Updated: 04:27 PM, 28 Sep 19
Follow us
Nitin gadkari motor vehicle act 2019 traffic fines traffic fines

કેન્દ્રીય સડક પરિવહન અને રાજમાર્ગ મંત્રી નીતિન ગડકરીએ ટ્વીટ કરીને કહ્યુ કે, જો ખરાબ રસ્તાઓ બનાવવામાં આવશે તો કોન્ટ્રાક્ટરને પણ દંડ ફટાકારવામાં આવશે.

  • ખરાબ રસ્તાઓ બનવાનારા કોન્ટ્રાક્ટરને ફટકારવામાં આવશે દંડ
  • રસ્તાઓના સમારકામની બેદરકારી પર 1 લાખ રૂપિયા સુધીનો દંડ 

આ ટ્વીટમાં કહેવામાં આવ્યુ છે કે, નવા મોટર વ્હીકલ એક્ટ 2019ના હેઠળ માત્ર સામાન્ય લોકોને જ પેનલ્ટી અને દંડની રાશિ નથી વધારવામાં આવી પરંતુ રસ્તા બનાવનાર કોન્ટ્રાક્ટર દ્વારા ખરાબ રસ્તાઓ બનાવવા પર દંડની રાશિ વધારવામાં આવી છે. 

 

કેન્દ્રીય પરિવહન મંત્રી અનુસાર, હવે રસ્તાઓ બનાવનાર કોન્ટ્રાક્ટર પર સરકાર ધ્યાન રાખશે. જો રસ્તાના કોન્ટ્રાક્ટર ખરાબર રસ્તા, ખરાબ ડિઝાઇન, રસ્તાનું નિર્માણના દરમિયાન ખરાબ સામગ્રીનો ઉપયોગ કરશે તો તેમના વિરુદ્ઘ કાર્યવાહી કરવામાં આવશે. રસ્તાઓ બનાવવા માટે અથવા તો  સમારકામ માટે કોઇ બેદરકારી રાખવામાં આવશે તો 1 લાખ રૂપિયા સુધીનો દંડ ફટકારવામાં આવી શકે છે. 

 

વાહન વ્યવહારના નવા નિયમો લાગૂ થયા પછી નીતિન ગડકરી સતત એક્ટિવ મોડમાં દેખાઇ રહ્યા છે. પરિવહન મંત્રી સતત નિયમોને લઇને ટ્વીટ કરી રહ્યા છે. આ પહેલા તેમણે ટ્વીટ કરીને કહ્યુ કે, ''ફૉલ્ટી કમ્પોનેટ અને વ્હીકલ નિર્મતાઓ પર પણ પેનલ્ટી લગાડવામાં આવશે.''

 

આ પહેલા કેન્દ્રીય પરિવહન મંત્રી નીતિન ગડકરીએ ગુરુવારે નવા મોટર વ્હીકલ એક્ટ, 2019 વિશે ખોટી સૂચનાઓ ફેલવનારા મીડિયાને ફટકાર લગાવી હતી. પોતાના ટ્વીટમાં નીતિનગડકરીએ એક સમાચાર ચેનલને પોસ્ટને રજૂ કરીને કેપ્શનમાં લખ્યુ કે, ''મને માફ કરો, આજે ફરી એક વખત મીડિયાના અમારા મિત્રોએ રસ્તા સુરક્ષા કાયદા જેવા ગંભીર વિષયનો મજાક ઉડાવી.હું અનુરોધ કરું છું કે જે લોકોની જિંદગીથી જોડાયેલા આ પ્રકારના ગંભીર મામલા પર લોકોની વચ્ચે ખોટા સમાચાર ના ફેલાવે.''  

national Nitin Gadkari Twitter
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ