લોન્ચ / SPU પર પ્રતિબંધ: ગાયના છાણમાંથી બન્યો સાબુ અને બની વાંસની બોટલ, જાણો કિંમત

• ગાયના છાણમાંથી બનેલ સાબુ અને વાંસની બોટલ થઇ લોન્ચ
• કેન્દ્રીય મંત્રી નીતિન ગડકરીએ કર્યું લોન્ચિંગ

એમએસએમઇ મંત્રી ગડકરીએ સારી કામગીરી બજાવતા નિકાસ એકમોને રાષ્ટ્રીય સ્ટોક એક્સચેંજમાં સૂચિબદ્ધ કરવા જણાવ્યું છે. તેમણે કહ્યું કે એમએસએમઇ મંત્રાલયે એક યોજનાની દરખાસ્ત કરી છે, જે હેઠળ આવા એમએસએમઇ એકમો (સૂક્ષ્મ, નાના અને મધ્યમ ઉદ્યોગો) માં 10 ટકા ઇક્વિટી ભાગીદારી કેન્દ્ર સરકાર સાથે રહેશે.

એક લીટર બોટલની કિંમત 560 રૂપિયા

નોંધનીય છે કે, MSME મંત્રાલય દ્વારા વાંસની બોટલ બનાવવાને આપવામાં આવી રહ્યું છે પ્રોત્સાહન. કેન્દ્રીય MSME મંત્રી નિતિન ગડકરીએ તાજેતરમાં જ એક કાર્યક્રમમાં વાંસની આ બોટલ લોન્ચ કરી છે. આ બોટલોનો ઘરમાં ખૂબ જ સરળતાથી ઉપયોગ કરી શકાય છે. આ બોટલની ક્ષમતા 750 mlથી 1 લીટર સુધીની છે અને તેની કિંમત 300થી શરૂ થાય છે. એક લીટરની બોટલની કિંમત 560 છે.  

રોજગારની નવી તક સર્જાશે

ખાદી ગ્રામોદ્યોગ દ્વારા કરવામાં આવેલ આ પહેલના કારણે મોટી સંખ્યામાં લોકોને રોજગાર પ્રાપ્ત થઇ રહ્યો છે. માટીની કુલડી અને વાંસની બોટલ બનાવવાનું શરૂ થતાં આ ક્ષેત્ર સાથે સંકળાયેલા લોકોને મોટા પ્રમાણમાં રોજગાર મળી રહ્યો છે. આટલું જ નહીં નવા લોકો પણ હવે આ ક્ષેત્રે જોડાઈ રહ્યા છે.