મુંબઇઃ મહારાષ્ટ્રના અહમદનગરમાં એક ચૂંટણી રેલી દરમિયાન શનિવારે કેન્દ્રીય મંત્રી નિતિન ગડકરીની તબિયત ખરાબ થઇ ગઇ. તેઓ સ્ટેજ પર જ બેભાન થઇ ગયા.
નિતિન ગડકરી શિરડી લોકસભા ક્ષેત્રમાં એક જનસભાને સંબોધિત કરી રહ્યા હતા. જેવુ જ ભાષણ પૂર્ણ થયું તેઓ બેભાન થઇ ગયા. સ્ટેજ પર હાજર લોકોએ તેમને સંભાળ્યા અને ખુરશી પર બેસાડ્યા. જણાવાય રહ્યું છે કે બાદમાં તેમની તબિયતમાં સુધારો આવ્યો.
शिर्डी मतदार संघातील राहता येथे, विजय संकल्प सभेला संबोधीत केले. महायुतीच्या उमेदवारांना विजयी करून मोदीजींचे हात मजबूत करण्याचे आवाहन केले. pic.twitter.com/MumZdg62Ev
— Chowkidar Nitin Gadkari (@nitin_gadkari) April 27, 2019
શિરડી લોકસભા વિસ્તારમાં આયોજિત કાર્યક્રમને લઇને નિતિન ગડકરીએ એક ફોટો પણ ટ્વિટર પર શેર કર્યો છે. મહારાષ્ટ્રના શિરડી લોકસબા બેઠક 2008માં અસ્તિત્વમાં આવી અને 2009માં આ બેઠક પર પ્રથમ લોકસભા ચૂંટણી થઇ.
ભલે અહીં વિધાનસભા બેઠકો પર કોંગ્રેસ-એનસીપી અને ભાજપનું વર્ચસ્વ છે, પરંતુ લોકસભા બેઠક પર 2009થી શિવસેનાના ઉમેદવાર જીતતા આવે છે. આ બેઠક અનુસૂચિત જાતિ માટે અનામત છે. હાલ આ બેઠક પર શિવસેનાના સદાશિવ લોખંડે સાંસદ છે.