ગ્રીન ઇકોનોમી / 'પેટ્રોલ-ડીઝલને બંધ કરવું છે', જાણો ગડકરીએ શા માટે આપ્યું આ મોટું નિવેદન

• પેટ્રોલ-ડીઝલ પર કોઇ દેશની દાદાગીરી નહીં ચાલેઃ ગડકરી
• ભારત આખી દુનિયામાં ગ્રીન હાઇડ્રોઝન એક્સપોર્ટ કરશેઃ ગડકરી
• ક્રૂડ ઑયલની દાદાગીરી ખતમ કરીશું આપણેઃ ગડકરી

કેન્દ્રીય પરિવહન મંત્રી નિતિન ગડકરીએ ખાનગી ન્યૂઝ ચેનલ ઇન્ડિયા ટુડે કૉનક્લેવ 2021માં કહ્યું કે, પેટ્રોલ-ડીઝલની આયાત ઓછી કરવાની છે અને પ્રદૂષણ ઓછું કરવાનું છે. અમે લોકો બાયોફ્યૂલ, ઇથેનૉલ, ઇલેક્ટ્રિક ગાડીઓ, બાયોડીઝલ, સીએનજી અને જો મજબૂરી છે તો એલએનજી અને એલપીજીનો પ્રયોગ કરીશું. પરંતુ પેટ્રોલ-ડીઝલની મોનોપૉલી એટલે કે દાદાગીરી નહીં ચાલવા દઇએ. તેમણે કહ્યું કે, દિલ્હીમાં કેટલુ પ્રદૂષણ છે. અમે સતત ડૉક્ટરોની પાસે જઇએ છીએ. 50 ટકા બીમારી તો વાયુ પ્રદૂષણ અને જળ પ્રદૂષણના કારણે જ થાય છે.

ભારત આખી દુનિયામાં ગ્રીન હાઇડ્રોઝન એક્સપોર્ટ કરશેઃ ગડકરી

કેન્દ્રીય મંત્રીએ કહ્યું કે, આ કારણોથી મારો સ્પષ્ટ મત છે કે, પેટ્રોલ-ડીઝલની ઉપર કોઇ દેશની દાદાગીરી નહીં ચાલે. વૈકલ્પિક વ્યવસ્થા બનશે. ગ્રીન હાઈડ્રોઝન, ભવિષ્યનું ઇંધણ છે. ભારત ગ્રીન હાઇડ્રોઝન, સમગ્ર વિશ્માં એક્સપોર્ટ કરનારી સૌથી મોટી તાકાત હશે. 

પીએમ મોદીએ ગ્રીન હાઇડ્રોઝન માટે નવી દિશા આપી છે. આપણે વર્લ્ડ લીડ હોઇશું. જેવી રીતે ક્રૂડ ઑયલના મામલે આ લોકો પોતાના ટર્મ ડિક્ટેટ કરી રહ્યા છે, તેવી રીતે હિન્દુસ્તાન ગ્રીન હાઇડ્રોઝન મામલે પોતાના ટર્મ ડિક્ટેટ કરશે.

5 વર્ષમાં ઑટો સેક્ટરમાં ભારત નંબર વન હશેઃ ગડકરી

તેમણે કહ્યું કે, અમે લોકો પેટ્રોલ અને ડીઝલ ગાડીઓનો ઉપયોગ કરીને દેશમાં પ્રદૂષણ ફેલાવી રહ્યા છીએ. આપણે આ દેશના ત્રણ પ્રકારના પ્રદૂષણથી બચવાની જરૂર છે. આપણા માટે ઑટો મોબાઇલ સેક્ટર ખુબજ મહત્ત્વપૂર્ણ છે. હાલમાં આ સેક્ટરનું ટર્ન 7.5 લાખ કરોડ છે. જીડીપીમાં આનું યોગદાન 7.1 ટકા છે. આ દેશનું નંબર વન સેક્ટર છે જે 5 કરોડ લોકોને રોજગાર ઉપલબ્ધ કરાવી રહ્યું છે. અમારી ટીમ આ સેક્ટરને સમગ્ર વિશ્વમાં નંબર વન બનાવવા માટે કામ કરી રહી છે. તમામ જાણિતી કંપનીઓ ભારતમાં હાજર છે. મને વિશ્વાસ છે કે આગામી 5 વર્ષમાં આપણે લોકો ઑટો સેક્ટરમાં નંબર વન બની જઇશું.

પેટ્રોલથી 1kmનો ખર્ચ 10 રૂપિયા અને ઇલેક્ટ્રિક ગાડીથી 1 રૂપિયોઃ ગડકરી

વધુમાં તેમણે કહ્યું કે, ઇલેક્ટ્રિક ગાડીઓની સૌથી મોટી વાત એ છે કે ગત વર્ષની તુલનામાં વૈશ્વિક સ્તરે આનું વેચાણ 140 ટકા વધ્યું છે. સમગ્ર દુનિયામાં ઇલેક્ટ્રિક ગાડીઓને સપોર્ટ આપવામાં આવી રહ્યો છે. આ ભારત માટે અનેક સંભાવનાઓ છે. કેન્દ્રીય મંત્રીએ કહ્યું કે, હવે પેટ્રોલથી એક કિલોમીટરનુ અંદર કાપવામાં 10 રૂપિયાનો ખર્ચ લાગી રહ્યો છે. ત્યારે ડીઝલ ગાડીથી એક કિલોમીટરનું અંતર કાપવા માટે 8 રૂપિયાનો ખર્ચ કરવો પડી રહ્યો છે. પરંતુ ઇલેક્ટ્રિક ગાડીથી 1 કિલોમીટર જવા પર 1 રૂપિયાનો ખર્ચ થઇ રહ્યો છે.