આદેશ / નવા વર્ષથી ફાસ્ટેગ વિનાના વાહનો પર લાગશે બ્રેક, Fastagની આ વાતો જાણવી છે જરૂરી

• 1 જાન્યુઆરી 2021થી ફાસ્ટેગ બનશે અનિવાર્ય
• ફાસ્ટેગ સાથેની આ વાતો દરેકે જાણવી જરૂરી
• આ પ્રોસેસથી ઝડપથી બનાવડાવી લો તમારું ફાસ્ટેગ

કેન્દ્રીય માર્ગ પરિવહન અને હાઇવે મંત્રાલયે (MoRTH) ડિજિટલ પેમેન્ટને પ્રોત્સાહન આપવા 1 જાન્યુઆરીથી દરેક વાહનો પર FASTags લગાવવાનું ફરજિયાત બનાવ્યું છે. જો તમે તમારી કાર અથવા મોટા વાહનોને FASTag લીધા વિના 1 જાન્યુઆરીથી નેશનલ હાઇવે ટોલ પ્લાઝા પર પહોંચશો, તો તેની ભારે કિંમત ચૂકવવી પડી શકે છે.

No cash payments on Toll Plazas from 1st Jan, 2021. All toll payments via FASTag only.#NHAI #FASTagLife pic.twitter.com/oJxgVc0hY6

— NHAI (@NHAI_Official) December 21, 2020

દેશભરમાં હવે FASTag લાગૂ થઈ ચૂક્યું છે. પરંતુ આ સાથે અનેક લોકોને કેટલીક મુશ્કેલીઓનો સામનો પણ કરવો પડી રહ્યો છે. જેમકે FASTag ખોવાઈ જવો, ફાટી જવો કે ડેમેજ થવો. આ સિવાય ફાસ્ટેગ ચોરી થાય તો તેના રૂપિયાને કઈ રીતે સુરક્ષિત રાખવા તેને લઈને પણ પ્રશ્ન રહે છે. આ સાથે ફરી FASTag લેવા માટે શું કરવું અને તે માટે કેટલો ખર્ચ થશે તે અંગેની માહિતી અમે આપને આપી રહ્યા છીએ.  દેશમાં દરેક ગાડી પર FASTag લગાવવું જરૂરી બન્યું છે. ફાસ્ટેગને ગાડીની વિંડસ્ક્રીન પર લગાવવાનું હોય છે. તેને લગાવ્યા બાદ ટોલ પ્લાઝાથી પસાર થતાં ત્યાં લાગેલા કેમેરા તેને સ્કેન કરી લે છે અને ટોલની રકમ તમારા એેકાઉન્ટથી જાતે જ કપાઈ જાય છે. ગણતરીની સેકંડમાં આ કામ થઈ જાય છે. 

શું છે ફાસ્ટેગ
ફાસ્ટેગ એક સ્ટીકર હોય છે જે વાહનોના વિંડ સ્ક્રીન પર લગાવાય છે. ટોલ પર ક્રોસિંગ સમયે ડિવાઈસ રેડિયો ફ્રીકવન્સી આઈડેન્ટિફિકેસન ટેક્નોલોજીની મદદથી ટોલ પ્લાઝા પરના સ્કેનરથી કનેક્ટ થાય છે અને પછી ફાસ્ટેગ સાથે જોડાયેલા એકાઉન્ટથી રૂપિયા કપાઈ જાય છે. જેનાથી ટોલ પ્લાઝા પર ઊભા રહેવાની જરૂર રહેતી નથી. 

ક્યાંથી ખરીદશો ફાસ્ટેગ
 
NHAI  ટોલ પર તમામ બેંકથી તમે ફાસ્ટેગ ખરીદી સકો છો. આ સિવાય તમે પેટીએમ, અમેઝન અને ફ્લિપકાર્ટ જેવા પ્લેટફોર્મનો પણ યૂઝ કરી શકો છો. તેને યૂપીઆઈ, ડેબિટ કાર્ડ, ક્રેડિટ કાર્ડથી પણ રીચાર્જ કરી શકો છો. જો ફાસ્ટેગ બેંક ખાતાથી લિંક હોય છે તો રૂપિયા સીધા ખાતામાંથી કાપી લેવામાં આવે છે. 

FASTag ખોવાઈ જાય, ડેમેજ થાય કે ફાટી જાય તો શું કરશો

સડક પરિવહન અને રાજમાર્ગ મંત્રાલયના આધારે એક વાહન માટે ફક્ત એક ફાસ્ટેગ મળે છે. જો તે ડેમેજ થાય તો તમે તેને સરળતાથી બદલી શકો છો. એક ગાડી માટે એક જ ફાસ્ટેગ મળે છે. તેમાં વ્હીકલ રજિસ્ટ્રેશન સર્ટિફિકેટ, ટેગ આઈડી સહિત અનેક ડિટેલ્સ સામેલ હોય છે. જૂની ડિટેલ આપીને ફરીથી તમે તેને ઈશ્યૂ કરાવી શકો છો. 

ફરીથી કેવી રીતે FASTag બનાવી શકાશે

જો તમારું ફાસ્ટેગ કામ નથી કરી રહ્યું કો તમે ઘરે બેસીને ફરીથી નવું FASTag બનાવી શકો છો. આ માટે તમારે તમારા પેટીએમની મદદથી નવું ફાસ્ટેગ બનાવવાનું રહે છે. જેના માટે 100 રૂપિયાનો ચાર્જ લેવાય છે. તમે એપની મદદથી ગાડીની RC અને રજિસ્ટર્ડ મોબાઈલ નંબર આપીને ફરીથી FASTag મંગાવી શકો છો. 
 
FASTag રાખેલી કેશની વેલિડીટી ક્યાં સુધી હોય છે.

ફાસ્ટેગમાં રાખેલા કેશની વેલિડિટી અનલિમિટેડ હોય છે. ક્યારેય પણ તેને ચેન્જ કરવું પડે તો તમારા રૂપિયા નવા FASTagમાં ટ્રાન્સફર થઈ જાય છે. માય FASTag એપ કે નેટબેંકિંગ, ક્રેડિટ કે ડેબિટ કાર્ડ, યૂપીઆઈ, પેટીએમ અને અન્ય લોકપ્રિય સુવિધાથી તમે તેને રીચાર્જ કરી શકો છો. આ એપ્સની મદદથી ફાસ્ટેગ બદલી શકાય છે. 

ફાસ્ટેગ ખોવાઈ જાય તો તેના રૂપિયાનું શું થશે
ગાડી ચોરી થાય તો બેંકની હેલ્પલાઈન પર ફોન કરીને FASTagને બ્લોક કરાવી શકાય છે. ગાડીના કાચ તૂટે તો ફાસ્ટેગ ખરાબ થાય છે. આ સમયે તેને ગમે ત્યારે બદલી શકો છો. તમે પોતે બેંક કે અન્ય ફાસ્ટેગ સેન્ટરમાં જઈને પોતાની ગાડીની આરસી અને દસ્તાવેજ દેખાડીને ફરીથી નવું ફાસ્ટેગ લઈ શકો છો. આ માટે કોઈ ચાર્જ હોતો નથી.