મોદી સરકારની થિંક ટેન્ક દ્વારા જાહેર કરવામાં આવેલ રિપોર્ટમાં દક્ષિણના રાજ્ય કેરળે ફરી ટોપ કર્યુ છે જ્યારે બિહાર સૌથી ખરાબ પ્રદર્શન કરતું રાજ્ય છે.
નીતિ આયોગે જાહેર કર્યો SDG રિપોર્ટ
આ રિપોર્ટમાં કેરળે કર્યુ ટોપ
જાણો ગુજરાત કયા સ્થાન પર છે?
દેશના બધા રાજ્યોની સરકારો દ્વારા વિકાસના મોટા મોટા દાવા કરવામાં આવે છે, જુદા જુદા મુખ્યમંત્રીઓ પોતાની સરકારની વાહવાહી કરે છે ત્યારે મોદી સરકારની જ થિંક ટેન્ક દ્વારા આ રાજ્યોમાં કયા ક્રમ પર છે અને કેટલો વિકાસ થઈ રહ્યો છે તેનો રિપોર્ટ જાહેર કરી દેવામાં આવ્યો છે. આ આંકડાઓ અને રેન્કિંગથી સરળતાથી જાણી શકાય છે કે વિકાસના દાવાઓ કરવા અને વાસ્તવિક વિકાસ કરવામાં શું અંતર છે.
મોદી સરકારની થિંક ટેન્ક દ્વારા જાહેર કરાયો રિપોર્ટ :
ભારત સરકારના થિંક ટેન્ક એટલે કે નીતિ આયોગ દ્વારા પોતાનો ત્રીજો રિપોર્ટ જાહેર કર્યો છે જેમાં રાજ્યો દ્વારા થઈ રહેલા વિકાસ, સામાજિક, આર્થિક અને પર્યાવરણીય સ્થિતિ પર રાજ્યોનું કેવું પ્રદર્શન છે તેની જાણકારી આપવામાં આવી છે. આ રિપોર્ટમાં એક સેક્ટર એવો છે જેમાં ગુજરાતે ટોપ કર્યુ છે. નોંધનીય છે કે ગુરુવારે દિલ્હીમાં નીતિ આયોગના અધિકારીઓ દ્વારા આ રિપોર્ટ જાહેર કરવામાં આવ્યો છે જેને SDG(Sustainable Development Goals) નામ આપવામાં આવ્યું છે. આંકડાઓના આધારે પ્રગતિ મુદ્દે રાજ્યોને તેમાં રેન્કિંગ આપવામાં આવી છે.
કઈ રીતે તૈયાર થયો છે રિપોર્ટ?
નોંધનીય છે કે આ રિપોર્ટ તૈયાર કરવાં આયાતે 17 લક્ષ્યો નક્કી કરવામાં આવ્યા અને તે બાદ તે 17 મુદ્દાઓ પર રાજ્યો દ્વારા કરવામાં આવતા પ્રદર્શનને જોવામાં આવ્યા. રાજ્યોના પ્રદર્શનના આધારે તેમને ક્રમ આપવામાં આવ્યા છે.
ટોપ-5 રાજ્યોમાં ગુજરાત નહીં :
કેરળ
હિમાચલ પ્રદેશ, તમિલનાડુ
આંધ્ર પ્રદેશ, ગોવા, કર્ણાટક, ઉત્તરાખંડ
સિક્કિમ
મહારાષ્ટ્ર
કેરળ રાજ્ય વર્ષ 2019માં આખા દેશમાં ટોપ પર હતું અને આ વર્ષે પણ કેરળે કમાલ કર્યો છે.
સૌથી ખરાબ પ્રદર્શન :
આ રિપોર્ટ અનુસાર આખા દેશમાં જે રાજ્યો સૌથી ખરાબ પ્રદર્શન કરી રહ્યા છે તેમાં બિહાર સૌથી નીચે છે જ્યારે બિહારથી ઉપર ઝારખંડ છે. આ સિવાય અરુણાચલ પ્રદેશ, મેઘાલય, રાજસ્થાન અને ઉત્તર પ્રદેશનું પ્રદર્શન પણ ખૂબ ખરાબની શ્રેણીમાં છે.
ગુજરાત કેટલા પાણીમાં?
નોંધનીય છે કે આ રિપોર્ટ અનુસાર જૉ ઓવરઓલ રેન્કિંગ જોવા જઇએ તો જ્યાં કેરળ પહેલા સ્થાન પર છે ત્યાં ગુજરાત 10માં ક્રમે છે. જોકે કેટલાક સેક્ટરમાં ગુજરાત પણ ટોપ પર રહ્યું છે. સારા સ્વાસ્થ્ય તથા ઉદ્યોગ-ઇન્ફ્રાસ્ટ્રકચર મામલે ગુજરાત ટોપ પર રહ્યું છે.
કયા ક્ષેત્રમાં કયું રાજ્ય ટોપ પર
ગરીબી ઉન્મૂલન : તમિલનાડુ, દિલ્હી
ભૂખ મટાડવા : કેરળ, ચંડીગઢ
સારા સ્વાસ્થ્ય : ગુજરાત, દિલ્હી
શિક્ષણ : કેરળ, ચંડીગઢ
ઉદ્યોગ, ઇન્ફ્રાસ્ટ્રકચર : દિલ્હી, ગુજરાત