તાજેતરમાં જ દેશના સૌથી ધનિક બિઝનેસમેન એટલે કે મુકેશ અંબાણીન અને તેમની પત્ની નીતા અંબાણીએ IPL ની મુંબઇ ઇન્ડિયન્સની ટીમ માટે પાર્ટીનું આયોજન કર્યુ હતુ. જેમાં ક્રિકેટર્સને આમંત્રિત કરવામાં આવ્યા.
દિવાળીના તહેવારોની શરૂઆત થઇ ગઇ છે, દેશભરમાં દિવાળીની તૈયારીઓ પૂરી થવામાં છે તો ક્યાંક તો ઉજવણીની પણ શરૂઆત થઇ ગઇ છે. બોલિવુડ સેલિબ્રેટીઝને ત્યાં પણ દિવાળી પાર્ટીનું આયોજન થઇ રહ્યુ છે. રોજરોજ સ્ટાર્સ તમને દિવાળી પાર્ટી હોસ્ટ કરતા અથવા તો કોઇની દિવાળી પાર્ટીમાં મહેમાન બનતા જોવા મળે છે.
નીતા અંબાણી અને મુકેશ અંબાણાીએ મુંબઇ ઇન્ડિયન્સની ટીમ માટે આયોજિત કરેલી દિવાળી પાર્ટીમાં ક્રિકેટર્સ ઉપરાંત અંબાણી પરિવારના નજીકના સભ્યો જોવા મળ્યા. દિવાળી પાર્ટીમાં નવ પરણિત શ્લોકા અને આકાશ સહિત ઇશા અંબાણી જોવા મળ્યા હતા.
મુંબઇમાં જિયો વર્લ્ડ સેન્ટરમાં દિવાળીનું આયોજન કરવામાં આવ્યુ, જેમાં નીતા અંબાણીની માતા પૂર્ણિમા દલાલ અને બહેન મમતા દલાલ હાજર રહ્યા હતા.
આ સિવાય કોકિલાબેન અંબાણી પણ પહોંચ્યા જ્યારે શ્લોકા મહેતાના મમ્મી મોના મહેતા પણ પાર્ટીમાં જોવા મળ્યા હતા. ઇશા અંબાણી પણ સાસુ-સસરા અને પતિ આનંદ પિરામલ સાથે આવી હતી.