ઇન્ટરવ્યૂ / 'અંબાણી છે કે ભિખારી', અનંતની આ વાત પર નીતા અને મુકેશ અંબાણી ખૂબ જ હસ્યા

આ ઇન્ટરવ્યૂમાં નીત અંબાણીએ જણાવ્યુ કે, ''મારા બાળકો થોડા સમજણા થયા ત્યારે હું તેમના સ્કૂલના કેન્ટીનમાં ખર્ચ કરવા માટે દર શુક્રવારે 5 રૂપિયા આપતી હતી. એક દિવસ મારો નાનો દિકરો અનંત મારી પાસે આવીને 10 રૂપિયા માંગવા લાગ્યો, ત્યારે મેં તેને પૂછ્યુ કે, તેને વધારે રૂપિયા શા માટે જોઇએ છે ? ત્યારે તેમણે કહ્યુ કે, પાંચ રૂપિયાનો સિક્કો કાઢું ત્યારે સ્કૂલમાં મારા મિત્રો મને ચીડવે છે અને કહે છે કે, તું અંબાણી છે કે ભિખારી... આ સાંભળી મુકેશ અને હું કશું ના કરી શક્યા પરંતુ ખૂબ જ હસ્યા.''

આ ઇન્ટરવ્યૂમાં તેમણે આગળ કહ્યુ કે, ''ધન અને શક્તિ એક સાથે ના ચાલી શકે. મારા માટે પાવર એક જવાબદારી છે. જેને હું મારા પરિવાર, મારા કામ, જૂનુન અને મધ્યમવર્ગીય મૂલ્યોને લઇને ચાલું છું.''

નીતા અંબાણી અને મુકેશ અંબાણી પોતાના બાળકોથી ખૂબ જ નજીક છે. ઇશા અંબાણી, આકાશ અને અનંત મોટા થયા ત્યારે નીતા અંબાણીએ જ મુકેશ અંબાણીને બાળકોને જીવનમાં રસ લેવાની સલાહ આપી હતી. નીતા અંબાણીએ કહ્યુ કે, ''મેં તેમને કહ્યુ હતુ કે, તમે કદાચ દેશ અને રિલાયન્સમાં ભવિષ્યમાં વ્યસ્ત હશો, પરંતુ તમારે બાળકોના ભવિષ્ય પર છાપ છોડવી જોઇએ. મારું માનવું છે કે, આ માત્ર એક ગુણ મથી. બાળકો સાથે વિતાવેલા સમયનું પ્રમાણ તેમને અવાજ આપે છે. ''