કાળજી / કોરોના વેક્સિનને લઇને નીતા અંબાણીએ કર્યુ મોટુ એલાન, કહ્યું રિલાયન્સના કર્મચારીઓ...

• કોરોનાને લઇને નીતા અંબાણીનું એલાન 
• મુકેશ અને નીતા અંબાણીએ સાથે લીધો નિર્ણય 
• રિલાયન્સના કર્મચારીઓને મફત અપાશે વેક્સિન

મુકેશ અંબાણીની કંપની રિલાયન્સના બધા જ કર્મચારીઓ અને તેમના પરિવારજનોને વેક્સિન મફતમાં આપવામાં આવશે. તેનો ખર્ચો કંપની ઉઠાવશે. 

આપણે લડાઇના અંતિમ ચરણમાં-નીતા અંબાણી
નીતા અંબાણીએ કહ્યું કે, દરેકના સમર્થનથી આપણે આ મહામારીને ખત્મ કરી શકીશું પરંતુ ત્યાં સુધી સાવધાન રહેવું પડશે. મુકેશ અંબાણી અને મે નક્કી કર્યુ છે કે અમે રિલાયન્સના કર્મચારીઓ અને તેમના પરિવારના સદસ્યોને ફ્રીમાં રસી અપાવીશું. 

અન્ય સાત કંપનીએ પણ કર્યો નિર્ણય
દેશમાં મોટા પાયે રસીકરણ શરૂ કરી દેવામાં આવ્યુ છે ત્યારે દેશની 7 મોટી કંપનીના કર્મચારીઓ અને તેમના પરિવારને મફતમાં રસી આપવામાં આવશે.

કંપની પોતાના સ્ટાફને કોવિડ વેક્સિન અપવાશે અને બધો ખર્ચો પોતે જ ભોગવશે. આઇટી ક્ષેત્રની દિગ્ગજ કંપની ઇન્ફોસીસ, એક્સેંચર, TCS, RPG groups, જેવી કંપનીઓ સામેલ છે. આ કંપની પોતાના સ્ટાફના વેક્સિનનો ખર્ચો ઉપાડશે. 

શું કહેવુ છે કંપનીનું 
ઇન્ફોસીસ અને એક્સેંચરનું કહેવું છે કે તે પોતાના કર્મચારીઓને સેફ કરવા માટે વેક્સિન આપશે અને ખર્ચ પણ તે ઉપાડશે. ઇન્ફોસીસના ચીફ ઓપરેટિંગ ઓફિસર પ્રવિણ રાવે કહ્યું કે માત્ર કર્મચારીઓ જ નહી તેમના પરિવારને પણ વેક્સિન મફતમાં આપવામાં આવશે. આ કંપનીના મેડિકલ બેનિફિટ પ્રોગ્રામમાં કવર છે. તમને જણાવી દઇએ કે ભારતમાં એક્સેંચરના 2 લાખ કર્મચારી છે. 

SBIએ શું કહ્યું? 
SBIએ કહ્યું કે પોતાના કર્મચારીઓને એક ઇન્ટરનલ કમ્યુનિકેશનમાં કહેવામાં આવ્યું કે આઇબીએએ સરકાર સમક્ષ પોતાનો પ્રસ્તાવ રાખ્યો છે અને બેંક એમ્પ્લોયને વેક્સિનેશન માટે લિસ્ટમાં સામેલ કરવામાં આવે. બેંક પણ પોતાના 2.5 લાખ કર્મચારીઓના વેક્સિનેશનનો ખર્ચો ઉપાડશે. 

RPG અને TCSનું પણ એલાન 
આરપીજી ગ્રુપે પણ પોતાના સ્ટાફના વેક્સિનેશનનો ખર્ચ ઉઠાવવા માટેનું એલાન કર્યુ છે. કંપનીમાં લગભગ 25000 કર્મચારીઓ કામ કરે છે. ટીસીએસનું કહેવું છે કે અમે અમારા કર્મચારીઓ સાથે તેમના પરિવારને પણ સહયોગ કરીશું.