દેશના સૌથી ધનિક વ્યકિત મુકેશ અંબાણી અને નીતા અંબાણીના મોટા પુત્ર આકાશની સગાઈ 30 જૂને શ્લોકા મહેતા સાથે થશે. સગાઈ પહેલા મુકેશ અંબાણીના નિવાસસ્થાન એન્ટિલામાં એક પ્રી-એન્ગેજમેન્ટ પાર્ટીનું આયોજિત કરવામાં આવી હતી. આ પ્રી-એન્ગેજમેન્ટ પાર્ટીમાં અનેક બોલિવુડ અને રાજકીય હસ્તીઓ સામેલ થઈ હતી.
સમગ્ર અંબાણી પરિવાર જશ્નમાં ડૂબેલો જોવા મળ્યો. પ્રી-એન્ગેજમેન્ટ પાર્ટીના ફોટોઝ અને વીડિયોઝ સોશ્યલ પર વાયરલ થઈ રહ્યા છે. જેમાં એક વીડિયો નીતા અંબાણીના ડાન્સનો પણ છે. નવી વહુને આવકાર આપવા સાસુ નીતા અંબાણીએ ડાન્સ કર્યો. ‘કાઈ પો છે’ ફિલ્મના ગીત ‘શુભારંભ’ પર નીતા અંબાણીએ ડાન્સ પરફોર્મંસ આપ્યું. આ પ્રી-એન્ગેજમેન્ટ પાર્ટીમાં નીતા અંબાણીએ લાલ રંગની સાડી પહેરી હતી
આ પ્રી-એન્ગેજમેન્ટ પાર્ટીનો વધુ એક વીડિયો વાયરલ થયો છે જેમાં ઈશા આકાશ અને શ્લોકાનું રિવાજો પ્રમાણે સ્વાગત કરે છે. ઈશા નવી જોડીની આરતી ઉતારે છે. જે બાદ શ્લોકા ઈશાને પગે લાગે છે. ત્યારે ઈશા શ્લોકાને ભેટી પડે છે.