રિષિ કપૂર તથા નીતુ સિંહે આ મુલાકાતની ફોટોઝ સોશ્યલ મીડિયામાં શૅર કરી હતી. ઉલ્લેખનીય છે કે રિષિ કપૂર લાંબા સમયથી ન્યૂયોર્કમાં કેન્સરની સારવાર લઈ રહ્યાં છે. હવે તેઓ કેન્સર ફ્રી થઈ ગયા છે અને બોન મૅરો ટ્રાન્સપ્લાન્ટ માટે અહીંયા રોકાયા છે.
રિષિ કપૂર ટ્વિટર પર મુકેશ અને નીતા અંબાણી સાથેની ફોટો શૅર કરીને તેમનો આભાર માન્યો હતો તો નીતુ સિંહ ઇન્સ્ટાગ્રામ પર ફોટો શૅર કરીને પોસ્ટ કર્યુ હતુ, ''કેટલાંક લોકો તમને માનસિક શાંતિની બાયંધરી આપતા હોય છે. થેંક્યૂ મિસ્ટર એન્ડ મિસિસ અંબાણી.''
આ પહેલા રિષિ કપૂરની ન્યૂયોર્કમાં કેન્સરની સારવાર થઇ હતી તે દરમિયાન અનેક બોલિવુડ સેલેબ્સ તેમને મળવા માટે પહોંચ્યા હતા. તાજેતરમાં જ શાહરૂખ ખાન પણ રિષિ કપૂર તથા નીતુ સિંહને મળવા માટે આવ્યો હતો. આ સિવાય દીપિકા પાદુકોણ, વિકી કૌશલ, પ્રિયંકા ચોપરા, બમન ઇરાની, અનુપમ ખેર, આમિર ખાન સહિતના સેલેબ્સ મળવા આવ્યા હતા.
રિષિ કપૂરના ખાસ ફ્રેન્ડ તથા ડિરેક્ટર રાહુલ રવૈલે હાલમાં જ કેન્સર ફ્રી થયા હોવાની વાત ફેસબુક પોસ્ટમાં કરી હતી. ઉલ્લેખનીય છે કે થોડાં સમય પહેલાં જ રિષિ કપૂરે કહ્યું હતું કે ગયા વર્ષે પહેલી મેથી અમેરિકામાં તેમની કેન્સરની સારવાર ચાલે છે. ભગવાનનો આભાર કે હવે તે કેન્સર ફ્રી છે. જોકે, હજી બોન મૅરો ટ્રાન્સપ્લાન્ટ બાકી છે. જેમાં હજી બે મહિના જેટલો સમય થશે.