જાપાની વાહન નિર્માણ કંપની નિશાન ટૂંક સમયમાં બજારમાં તેની કોમ્પેક્ટ એસયૂવી નિશાન kicks બીએસ6 એન્જિન સાથે અપડેટ કરીને લોન્ચ કરવાની છે. આ સાથે જ કંપની તેની 2 કાર Nissan Micra અને Sunnyને ડિસ્કન્ટીન્યૂ પણ કરવાની છે. આ બંને કારને કંપનીએ ઓફિશિયલ વેબસાઈટ પરથી હટાવી દીધી છે.
અત્યારે કંપનીની ઓફિશિયલ વેબસાઈટ પર માત્ર BS6 Kicks અને GT-R સ્પોર્ટકારને લિસ્ટેડ કરવામાં આવી છે. નિશાનએ ભારતીય બજારમાં તેની ફોર્થ જનરેશન માઈક્રાની સાથે વર્ષ 2010માં ડેબ્યૂ કર્યું હતું. આ પછી કંપનીએ વર્ષ 2014માં આ હેચબેક કારની અપેડટ કરી હતી. સમયની સાથે કંપનીએ 2017માં આ કારના ફેસલિફ્ટ મોડલને લોન્ચ કર્યો હતો.
ફેસલિફ્ટ નિશાન માઈક્રામાં ઓટોમેટિક હેડલેમ્પ, સેન્સિંગ વાઈપર્સની સાથે કેબિનની અંદર સ્પોર્ટી એક્સેન્ટનો ઉપયોગ કરવામાં આવ્યો હતો. તેમાં 1.2 લીટરનું પેટ્રોલ એન્જિન આપવામાં આવ્યું હતું. જે 76 બીએચપીનું પાવર અને 104 એનએમનું ટોર્ક જનરેટ કરતી હતી. આ સિવાય આ કાર 1.5 લીટરની ક્ષમતાના ડીઝલ એન્જિનની સાથે પણ બજારમાં ઉપલબ્ધ હતી.
જ્યારે નિશાન સનીને જ્યારે બજારમાં લોન્ચ કરવામાં આવી હતી. એ સમયે કોમ્પેક્ટ સિડાન સેગ્મેન્ટમાં આ કારને ખૂબ જ પસંદ કરવામાં આવી હતી. આ કાર 2011માં પહેલીવાર લોન્ચ કરવામાં આવી હતી અને વર્ષ 2017માં કંપનીએ તેને અપડેટ કરીને લોન્ચ કરી હતી. તેનું પેટ્રોલ એન્જિન 98 બીએચપીનું પાવર અને 134 એનએમનું ટોર્ક જનરેટ કરતી હતી.
ડિસ્કન્ટીન્યૂ કરવા પાછળનું કારણ
બજારમાં આ બંને કારોએ જોરદાર પર્ફોમન્સ આપ્યું હતું, પરંતુ સમયની સાથે બજારમાં અન્ય કંપનીની કારોના પણ ઘણાં મોડલ આવી ગયા અને તેની ડિમાન્ડ ઓછી થઈ ગઈ. કંપનીનું માનવું છે કે, બજારમાં આ કારોની ડિમાન્ડ ઓછી છે અને તેને અપડેટ કરીને લોન્ચ કરવામાં આવે તો રોકાણ મોટું કરવું પડશે. જેથી આ કારોને ડિસ્કન્ટીન્યૂ કરવાનો નિર્ણય લીધો છે. નિશાન સની તેના ખાસ પ્રીમિયમ લુક અને સ્પેસિયશ કેબિન માટે પણ લોકપ્રિય હતી.