જાપાની વાહન નિર્માતા કંપની નિસાને તેની અપકમિંગ ઈલેક્ટ્રિક એસયૂવી Nissan Ariyaનું પહેલું ટીઝર લોન્ચ કરી દીધું છે. આ ટીઝર જારી કરવાની સાથે કંપનીએ એસયૂવી લોન્ચ કરવાની તારીખ પણ જણાવી છે. જાણકારી અનુસાર આ એસયૂવીનું વર્લ્ડ પ્રીમિયર જુલાઈમાં થશે. જોકે, ટીઝરમાં આ એસયૂવીની માત્ર હેડલાઈટ્સ જ દેખાઈ રહી છે. પણ એવું માનવામાં આવી રહ્યું છે કે આ Ariyaના કોન્સેપ્ટ વર્ઝન પર જ બેસ્ડ છે.
કંપનીએ Nissan Ariya પહેલીવાર ગયા વર્ષે જાપાનમાં આયોજિત ટોક્યો મોટર શો દરમિયાન કોમ્સેપ્ટ મોડર રજૂ કર્યો હતો. એ દરમિયાન કહેવામાં આવ્યું હતું કે આ એસયૂવીને 2021માં લોન્ચ કરવામાં આવશે. આ એક ક્રોસઓવર એસયૂવી છે. જેમાં કંપનીએ હેવી બેટરી પેકનો પ્રયોગ કર્યો છે. જે તેને બેસ્ટ ડ્રાઈવિંગ રેન્જ આપે છે.
ઈલેક્ટ્રિક કારના સેગ્મેન્ટમાં નિસાનનું લીફ મોડલ પહેલાંથી જ સફળતા હાંસલ કરી ચૂક્યું છે. હવે આ ક્રમમાં કંપનીએ Nissan Ariya પણ લોન્ચ કરવાનું વિચારી રહી છે. એક રિપોર્ટ પ્રમાણે આ એસયૂવી સિંગલ ચાર્જમાં 480 કિમી પ્રતિકલાકની ડ્રાઈવિંગ રેન્જ આપશે. જોકે, હજી સુધી કંપની તરફથી આ અંગે કોઈ ઓફિશિયલ જાહેરાત કરવામાં આવી નથી.
Nissan Ariyaમાં કંપની ઓલ વ્હીલ ડ્રાઈવ સિસ્ટમન સાથે રિજનરેટિંગ બ્રેકિંગ
ટેક્નિકનો પણ પ્રયોગ કરી રહી છે. જે તેને બેસ્ટ ડ્રાઈવિંગની સાથે લાંબી રેન્જ પણ આપશે. કંપનીએ આ એસયૂવીમાં પ્રોપાયલોટ 2.0 સિસ્ટમનો પણ ઉપયોગ કર્યો છે. આ સિસ્ટમ ઈમરજન્સી બ્રેકિંગની સાથે પેડેસ્ટ્રિયન ડિટેક્ટિંગ, લેન ડિપાર્ચર વોર્નિંગ અને એડોપ્ટિવ ક્રૂઝ કંટ્રોલ જેવી ફીચર્સ આપે છે. આ એસયૂવી વિશે અન્ય જાણકારી માટે તેના લોન્ચની રાહ જોવી પડશે.