અમદાવાદ શહેર તેના અનોખા કાર્યક્રમો અને તેને માણવા માટે ધસી જતા ચાહકો માટે જાણીતું છે. અહીં અમદાવાદ મિલેનિયલ રાઉન્ડ ટેબલ 333 અને અમદાવાદ મિલેનિયલ લેડીઝ સર્કલ 173 અંતર્ગત કોમેડિયન નિશાંત તનવરે અમદાવાદમાં સ્ટેન્ડ અપ ફોર અ કોઝ નામનો સ્ટેન્ડ અપ કોમેડી કાર્યક્રમ રજુ કર્યો હતો.
ક્યાં અને ક્યારે યોજાયો હતો?
આ કાર્યક્રમ 15મી ફેબ્રુઆરી 2020ના રોજ અમદાવાદમાં રાજપથ ક્લબ ની પાછળ આવેલા પંડિત દીનદયાળ ઉપાધ્યાય હોલમાં યોજાયો હતો.
શું હતી કાર્યક્રમની વિશેષતા?
સ્ટેન્ડ અપ ફોર અ કોઝ સ્ટેન્ડ અપ કોમેડી કાર્યક્રમ એક ઉદ્દાત ભાવનાથી આયોજિત કરાયો હતો. આ કાર્યક્રમ રાઉન્ડ ટેબલ ઇન્ડિયા હેઠળ યોજવામાં આવ્યો હતો. આ કાર્યક્રમમાં વેચાયેલી ટિકિટ્સના ભંડોળમાંથી ફ્રીડમ થ્રુ એજ્યુકેશન (શિક્ષણ વડે આઝાદી) પહેલમાં ફંડ ઉભું કરવામાં આવ્યું હતું.
અહીં નોંધનીય છે કે આ ફંડનો ઉપયોગ સુવિધાઓથી વંચિત બાળકો માટે શાળાઓના બાંધકામ માટે કરવામાં આવશે.
આ શોને દર્શકોનો ખૂબ સારો પ્રતિસાદ સાંપડ્યો હતો અને 1000 થી વધુની ક્ષમતા ધરાવતો આખો હોલ હાઉસફુલ ગયો હતો. નિશાંતે સૌને પેટ પકડીને હસાવ્યા હતા.
શું છે રાઉન્ડ ટેબલ ઇન્ટરનેશનલ?
રાઉન્ડ ટેબલ ઈન્ટરનેશલ એક આંતરરાષ્ટ્રીય ક્લબ છે જે 67 થી વધુ દેશોમાં ફેલાયેલી છે. ભારતમાં તે 110થી વધુ શહેરોમાં આવે આવેલી છે અને ભારતમાં તેના 4500 થી વધુ સભ્યો છે.
1998થી રાઉન્ડ ટેબલ ઇન્ટરનેશનલે દેશમાં ફ્રીડમ થ્રુ એજ્યુકેશન પ્રોજેક્ટ શરુ કર્યો જે અંતર્ગત અત્યાર સુધી આ પ્રોજેક્ટમાં 282 કરોડ જેટલું ઇન્વેસ્ટમેન્ટ કરવામાં આવી ચૂક્યું છે.