નિસર્ગ વાવાઝોડાંની અસરના પગલે હવામાન વિભાગ દ્વારા દક્ષિણ ગુજરાતમાં આગામી 24 કલાક માટે ભારે વરસાદની આગાહી આપવામાં આવી છે. ત્યારે બુધવારની રીત્રે વીજળીના કડાકા સાથે અમદાવાદના પૂર્વ અને પશ્ચિમ વિસ્તારમાં વરસાદ વરસ્યો હતો.
અમદાવાદમાં રાત્રે વીજળીના કડાકા સાથે વરસાદ
શહેરના પૂર્વ અને પશ્ચિમ વિસ્તારમાં વરસાદ
સેટેલાઈટ, બોપલ, નિકોલ, બાપુનગર, નરોડામાં વરસાદ
અમદાવાદ શહેરમાં મોડી રાત્રે વીજળીના કડાકા-ભડાકા સાથે વરસાદી માહોલ જોવા મળ્યો હતો. શહેરના પૂર્વ અને પશ્ચિમના કેટલાંક વિસ્તારોમાં વરસાદ વરસ્યો હતો.
પશ્ચિમ અમદાવાદની વાત કરીએ તો સેટેલાઇટ, સોલા, બોપલ, બોડકદેવ, થલતેજ, મેમનગર, ગોતા, ચાંદખેડા, ચાંદલોડિય સહિત એસજી હાઇવે, સરખેજ, જીવરાજપાર્કમાં વરસાદ પડ્યો હતો.
જ્યારે પૂર્વ અમદાવાદમાં નિકોલ, બાપુનગર, નરોડા, શાહપુર, દાણીલીમડા, મણિનગર, ઇસનપુર, કાંકરિયા વિસ્તારમાં કડાકા ભડાકા સાથે વરસાદ વરસ્યો હતો.
વાવાઝોડાની અસરને પગલે ગુજરાતમાં વરસાદની આગાહી
વાવાઝોડાની અસરને પગલે રાજ્યમાં હવામાન વિભાગે વરસાદની આગાહી કરી છે. રાજ્યના કેટલાક ભાગોમાં 24 કલાક સુધી વરસાદની શક્યતા છે. દક્ષિણ ગુજરાતમાં 24 કલાક સુધી ભારે વરસાદની શક્યતા છે.
સૌરાષ્ટ્ર, મધ્ય ગુજરાતમાં સામાન્યથી મધ્યમ વરસાદની હવામાન વિભાગે આગાહી કરી છે. આગામી 24 કલાકમાં સુરત, નવસારી, ભરૂચ, ભાવનગર, આણંદ, અમરેલી, ગીર સોમનાથ, વલસાડ, અમદાવાદ, રાજકોટ વડોદરામાં વરસાદની શક્યતા છે.