સફરનામા / નિર્મલા સીતારમણ: સેલ્સ ગર્લથી લઇને દેશના નાણામંત્રી સુધીની રોચક સફર

ન્યૂ દિલ્હીઃ દેશનાં ઇતિહાસની અત્યાર સુધીની બીજી મહિલા રક્ષા મંત્રી રહેલ નિર્મલા સીતારમણની ફરી વાર મોદી સરકારની કેબિનેટમાં પરત આવ્યાં. હવે તેઓને નાણાં મંત્રાલયની જવાબદારી સોંપવામાં આવી છે. નિર્મલા સીતારમણ રક્ષામંત્રી બન્યા બાદ પૂર્ણકાલિક મહિલા નાણાંમંત્રી પણ બની ગયા છે, કેમ કે આ પહેલા 1970-71માં પ્રધાનમંત્રી રહેતી વેળાએ ઇન્દિરા ગાંધીએ કેટલાંક સમય પૂરતો નાણાંમંત્રાલયનો પ્રભાર પોતાની પાસે રાખ્યો હતો.

રક્ષામંત્રીનાં રૂપમાં પોતાનાં પહેલા કાર્યકાળમાં નિર્મલા ખૂબ એક્ટિવ રહી અને રાફેલ વિવાદ પર તેઓએ સંસદ અને બહાર સરકારનું સારી રીતે ડિફેન્સ પણ કર્યુ. તમિલનાડુનાં એક સામાન્ય પરિવારથી આવનારી નિર્મલાએ એક સમયમાં સેલ્સ ગર્લનાં રૂપમાં કામ કર્યુ હતું. પરંતુ પછી તેઓએ બીજેપી સાથે જોડાઇને આખરે કેવી રીતે તેઓ માત્ર 11 વર્ષમાં અહીં સુધી પહોંચ્યા તે જાણીએ.

જન્મ અને શિક્ષાઃ
નિર્મલા સીતારમણનો જન્મ 18 ઓગસ્ટ 1959નાં રોજ તમિલનાડુનાં મદુરાઇમાં બ્રાહ્મણ પરિવારમાં થયો હતો. તેમનાં પિતાનું નામ શ્રી નારાયણ સીતારમણ અને માતાનું નામ સાવિત્રી દેવી છે. પિતાજીનું નોકરીમાં વારંવાર ટ્રાન્સફર થતું હોવાને કારણે તેઓને વારંવાર તમિલનાડુમાં અનેક જગ્યાએ રહેવું પડતું. તેઓને બાળપણથી જ દેશની રાજનીતિક વ્યવસ્થાને સમજવાની ઘેલછા હતી. તેમને તિરૂચિરાપલ્લીનાં સીતાલક્ષ્મી કોલેજથી બીએની ડિગ્રી હાંસલ કરી. ત્યાર બાદ તેઓએ જવાહરલાલ નહેરૂ વિશ્વવિદ્યાલયથી વર્ષ 1980માં ઇકોનોમિક્સમાં એમએની ડિગ્રી હાંસલ કરી. ત્યાર બાદ તેઓએ અહીંથી એમફીલની ડિગ્રી પણ હાંસલ કરી.

લંડનમાં સેલ્સ ગર્લ હતાંઃ
અભ્યાસ દરમ્યાન અને બાદ પણ સીતારમણે અનેક જગ્યાઓ પર કામ કર્યુ. પતિ સંગ લંડનમાં રહેતી વેળાએ નિર્મલાઓ અહીં એક ઘરનો સજાવટી સામાન વેચનારી દુકાનમાં સેલ્સ ગર્લનાં રૂપમાં પણ કામ કર્યુ હતું. બાદમાં તેઓ લંડનમાં કૃષિ એન્જીનિયર અસોસિએશન સાથે જોડાયા. ત્યાર બાદ તેઓએ લંડનમાં જ પ્રાઇસ વોટરહાઉસ નામની કંપનીમાં સીનિયર મેનેજરનાં રૂપમાં કામ કર્યુ. તેઓ થોડાંક સમયને માટે બીબીસી સાથે પણ જોડાયાં. ત્યાર બાદ પરત ભારત આવવા પર તેઓએ હૈદરાબાદમાં સેન્ટર ફોર પબ્લિક પોલિસીમાં ડેપ્યુટી ડાયરેક્ટરનાં રૂપમાં કામ કર્યુ.

2008માં જોઇન કર્યુ હતું બીજેપી, બે વર્ષમાં બન્યા પ્રવક્તાઃ
બીજેપીમાં શામેલ થતા પહેલા તેઓ 2003થી 2005 સુધી નેશનલ કમીશન ફોર વુમન (NCW)નાં સભ્ય રહ્યાં હતાં. તેઓએ બીજેપીની પ્રવક્તાનાં રૂપમાં ઉત્તમ રીતે કામ કર્યુ અને તેઓ ઘણી વાર ટીવી ચેનલો પર પાર્ટી માટે તેઓ નજરે દેખાયા. નિર્મલાએ 2008માં રાજનીતિમાં એન્ટ્રી લીધી અને બીજેપી જોઇન કર્યુ. ત્યાર બાદ બે વર્ષ બાદ જ તેઓ બીજેપી પ્રવક્તા બની ચૂક્યા હતાં.  ત્યાર બાદ 2014માં મોદી સરકાર બન્યા બાદ તેઓને કેબિનેટમાં શામેલ કરવામાં આવ્યાં. બાદમાં 26મેં 2014માં મોદી સરકારમાં તેઓને રાજ્યમંત્રીનું પદ સોંપવામાં આવ્યું. પછી 3 ડિસેમ્બર 2017નાં રોજ થયેલ કેબિનેટ ફેરફારમાં તેઓને રક્ષામંત્રી બનાવવામાં આવ્યાં.

દેશનાં મહિલા રક્ષામંત્રીની સફરઃ
ત્યાર બાદ ગોવામાં બીજેપીની સરકાર બનાવવા માટે પાર્ટીએ તે સમયે રક્ષામંત્રી રહેલ મનોહર પર્રિકરને એક વાર ફરીથી કમાન સંભાળવાનું કહ્યું. પર્રિકર દ્વારા રક્ષામંત્રી પદ છોડ્યા બાદ અરૂણ જેટલીનાં 13 March 2017થી 3 September 2017નાં કાર્યકાળ બાદ 3 સપ્ટેમ્બર 2017નાં રોજ સીતારમણ ભારતનાં મહિલા રક્ષામંત્રી બન્યા હતાં કે જેઓ 31 May 2019 સુધી રક્ષામંત્રીનાં પદ પર રહ્યાં. જો કે, તે પહેલા ઇન્દિરા ગાંધી પણ દેશની રક્ષામંત્રી રહી ચૂકેલ છે. ઇન્દીરા ગાંધીએ 14 January 1980થી 15 January 1982 સુધી રક્ષામંત્રી તરીકે રહી ચૂક્યાં છે. તેઓએ પ્રધાનમંત્રી રહેતા રક્ષામંત્રાલય પણ પોતાની પાસે રાખ્યું હતું. 

દેશનાં મહિલા નાણાંમંત્રીની સફરઃ
દેશનાં મહિલા રક્ષામંત્રી બન્યા બાદ નિર્મલા સીતારમણે મહિલા નાણાંમંત્રી બનવાનું ગૌરવ પણ હાંસલ કર્યુ. આ પહેલાં પૂર્વ પ્રધાનમંત્રી ઇન્દીરા ગાંધીએ અંદાજે 1 વર્ષ સુધી નાણાંમંત્રીનો કારોભાર સંભાળ્યો હતો. ઇન્દીરા ગાંધીએ 1970થી 1971નાં 1 વર્ષનાં ગાળામાં નાણાંમંત્રીનું પદ સંભાળ્યું હતું. બાદમાં નિર્મલા સીતારમણે 31 મે 2019નાં રોજ નાણાંમંત્રી તરીકેની શપથ ગ્રહણ કરી હતી કે જેઓ હાલમાં નાણાંમંત્રીનાં પદ પર યથાવત છે.