લીસ્ટ / ફોર્બ્સની 100 શક્તિશાળી મહિલાઓની યાદી જાહેર, જુઓ કોણ છે પ્રથમ સ્થાને

• નાણામંત્રી નિર્મલા સીતારમણ 34માં સ્થાન પર 
• ભારતની સૌથી મોટી બાયોફાર્માસ્યુકીટલ કંપનીના સ્થાપક મઝુમદાર-શો 65માં નંબર પર 
• ફોર્બ્સની યાદીમાં સતત નવ વર્ષથી જર્મનીનાં ચાન્સેલર મોખરે 

HCL કોર્પોરેશનનાં સીઈઓ રોશની નાદર મલ્હોત્રાને 54મુ સ્થાન 

દેશની આર્થિક સ્થિતિમાં સુધાર લાવવમાં ભલે નિર્મલા સીતારમણથી સવાલ કરવામાં આવી રહ્યા હોય પરંતુ વૈશ્વિક સ્તર પર તેમના કામની ચર્ચા ખુબ થઇ રહી છે. ફોર્બ્સની વિશ્વની 100 સૌથી પાવરફુલ મહિલાઓની લીસ્ટમાં નિર્મલા સીતારમણને સામેલ કરવામાં આવ્યા છે. આ લીસ્ટમાં HCL કોર્પોરેશનનાં સીઈઓ રોશની નાદર મલ્હોત્રા અને બાયોકોનની ફાઉન્ડર કિરણ મજુમદાર શોનું નામ પણ સામેલ કરવામાં આવ્યું છે. 

બાંગ્લાદેશનાં પ્રધાનમંત્રી શેખ હસીના લીસ્ટમાં 29માં નંબર પર 

ભારતનાં પહેલાં મહિલા નાણામંત્રી છે, જોકે ઇન્દિરા ગાંધીએ થોડાક સમય માટે નાણા મંત્રાલય પોતાની પાસે રાખ્યા હતા. નિર્મલા સીતારમણ લીસ્ટમાં 34માં નંબર પર છે. જ્યારે રોશની નાદર મલ્હોત્રા 54માં અને કિરણ મજુમદાર 65માં સ્થાને છે. જર્મનીનાં ચાન્સેલર એન્ગેલા મર્કેલ આ લીસ્ટમાં ઘણા વર્ષથી ટોપમાં જ છે. છેલ્લાં નવ વર્ષથી તેઓ નંબર વન સ્થાન પર યથાવત્ છે. આ વખતે બીજા નંબર પર યુરોપિયન સેન્ટ્રલ બેંકની પ્રેસિડેન્ટ ક્રિસ્ટીન લેગાર્ડ છે. ભારતનાં પાડોશી દેશ બાંગ્લાદેશનાં પ્રધાનમંત્રી શેખ હસીના લીસ્ટમાં 29માં નંબર પર છે. 

ગ્રેટા થનબર્ગ 100માં નંબર પર

યુએસનાં હાઉસ ઓફ રિપ્રેઝન્ટેટિવનાં સ્પીકર નેન્સી પેલોસી ત્રીજા સ્થાને છે. આ સિવાય મિલીંડા ગેટ્સ છઠ્ઠા સ્થાને છે. અમેરિકાના રાષ્ટ્રપતિ ડોનાલ્ડ ટ્રમ્પનાં પુત્રી ઇવાંકાને 42મું સ્થાન આપવામાં આવ્યું છે. ટેનીસ સ્ટાર સેરેના વિલિયમ્સ 81માં સ્થાને જ્યારે કલાઈમેટ કાર્યકર્તા ગ્રેટા થનબર્ગ 100માં નંબર પર છે. 

Introducing: The World's Most Powerful Women 2019 https://t.co/p9iLTLZgn8 #PowerWomen pic.twitter.com/KKKIz6B7IX

— Forbes (@Forbes) December 12, 2019