દુનિયાના સૌથી પ્રતિષ્ઠ મેગેઝિન ફોર્બ્સ મેગેઝિને 2022ના વર્ષની 100 પ્રભાવશાળી યાદી બહાર પાડી છે. 2022ની યાદીમાં ભારતની ટોટલ 6 મહિલાઓને પ્રભાવશાળી મહિલા બનવાનું ગૌરવ સાંપડ્યું છે.
કોણ છે છ મહિલાઓ
ભારતના નાણા મંત્રી નિર્મલા સીતારામણ, બાયોકોનના એક્ઝિક્યુટિવ ચેરપર્સન કિરણ મઝુમદાર-શો અને નાયકાના
સ્થાપક ફાલ્ગુની નાયર, એચસીએલ ટેકના ચેરપર્સન રોશની નાદર મલ્હોત્રા, સેબીના ચેરપર્સન માધવી પુરી બુચ અને અને સ્ટીલ ઓથોરિટી ઓફ ઇન્ડિયાના ચેરપર્સન સોમા મંડલ સામેલ છે.
સીતારામણને સતત ચોથી વાર મળ્યું સ્થાન
સીતારામણને આ વખતે 36મું સ્થાન મળ્યું છે અને તેમણે સતત ચોથી વખત આ યાદીમાં સ્થાન મેળવ્યું છે. અગાઉ 2021માં તેઓ 37માં ક્રમે હતા, 2020માં 41માં અને 2019માં 34માં ક્રમે હતા.
કઈ મહિલા કયા ક્રમે
ફોર્બ્સે મંગળવારે જાહેર કરેલી યાદી અનુસાર આ વર્ષે નિર્મલા સીતારામણ 36મા ક્રમે, મઝુમદાર-શૉ 72મા ક્રમે છે, જ્યારે નાયર 89મા ક્રમે છે. આ યાદીમાં સામેલ અન્ય ભારતીયોમાં રોશની નાદર મલ્હોત્રા (53મા ક્રમે), માધવી પુરી બુચ (54મા) અને સોમા મંડલ (67મા ક્રમે)નો સમાવેશ થાય છે.
કોણ છે દુનિયાની નંબર વન પ્રભાવશાળી મહિલા
યુરોપિયન કમિશનના પ્રમુખ ઉર્સુલા વોન ડેર લેયેને વિશ્વની 100 સૌથી શક્તિશાળી મહિલાઓની યાદીમાં ટોચનું સ્થાન મેળવ્યું છે. યુક્રેન યુદ્ધ દરમિયાન તેમના નેતૃત્વ માટે અને કોવિડ -19 રોગચાળાનો સામનો કરવાના તેમના પ્રયત્નો બદલ તેમને નંબર વનનું સ્થાન મળ્યું હતું. યુરોપિયન સેન્ટ્રલ બેન્કના પ્રમુખ ક્રિસ્ટીન લેગાર્ડેને બીજા સ્થાને રાખવામાં આવ્યા છે, જ્યારે અમેરિકાના ઉપરાષ્ટ્રપતિ કમલા હેરિસ આ યાદીમાં ત્રીજા સ્થાને છે. ઈરાનની જીના મહસા અમિનીને મરણોપરાંત પ્રભાવશાળી યાદીમાં 100મું સ્થાન મળ્યું છે.