હદ થઇ ગઇ! / દિલ્હી બાદ ગાઝિયાબાદમાં મહિલા સાથે નિર્ભયા જેવી હેવાનિયત: 2 દિવસ સુધી સામુહિક દુષ્કર્મ આચર્યા બાદ પ્રાઇવેટ પાર્ટમાં....

• ગાઝિયાબાદમાં 40 વર્ષની મહિલા સાથે ગેંગ રેપની ઘટના
• મહિલાનો આરોપી સાથે પ્રોપર્ટીનો વિવાદ હોવાનું ખૂલ્યું 
• ભાઈના જન્મદિવસે  દિલ્હીથી ગાઝિયાબાદ આવી અને ઘટના બની 

દિલ્હીને અડીને આવેલા ગાઝિયાબાદમાં 40 વર્ષની એક મહિલાએ 5 લોકો પર ગેંગ રેપની ઘટનાને અંજામ આપવાનો આરોપ લગાવ્યો છે. પોલીસે કેસ નોંધ્યો છે. પોલીસના જણાવ્યા અનુસાર મહિલાનો આરોપી સાથે પ્રોપર્ટીનો વિવાદ છે અને બંને પક્ષોનો કેસ કોર્ટમાં ચાલી રહ્યો છે. હાલ પોલીસ ગેંગ રેપની ઘટનાની તપાસ કરી રહી છે.    

વાત જાણે એમ છે કે, ગાઝિયાબાદમાં 40 વર્ષની મહિલા સાથે સામૂહિક દુષ્કર્મ થયાનો કિસ્સો સામે આવ્યો છે. વિગતો મુજબ પીડિતાના ભાઈની જન્મદિવસ હોઇ તે દિલ્હીથી ગાઝિયાબાદ આવી હતી. પીડિતાના ભાઈના જણાવ્યાનુસાર 16મીએ મારો જન્મદિવસ હતો. તે મારા ઘરે આવી હતી અને રાત્રિભોજન કરીને નવ વાગે નીકળી ગઈ હતી. અમે જાતે જ તેને સામાન અને શાકભાજી સાથે ઓટોમાં બેસાહતા હતા પરંતુ ઓટો ચાલકે જવાનો ઇનકાર કર્યો હતો. તે બીજી ઓટોમાં બેસવા જતી હતી ત્યારે અચાનક એક સ્કોર્પિયો આવી જેમાં ચાર લોકો હતા. બહેન તેને ઓળખતી હતી. આ લોકો મારી બહેનને સાથે લઈ ગયા. ક્યાં લઈ ગયા તેની ખબર ન હતી. બાદમાં તે આશ્રમ રોડ પર એક બોરીમાં બાંધેલી મળી આવી હતી. 

ગાઝિયાબાદમાં બનેલી ઘટનાનો ઉલ્લેખ કરતા પીડિતના ભાઈએ જણાવ્યું કે, તેની બહેનનો પ્રોપર્ટી કેસ ચાલી રહ્યો છે. આ મામલામાં આ લોકો તેની બહેનને ક્યાં લઈ ગયા, તે ખબર નથી. બાદમાં તે આશ્રમ રોડ પર હાથ-પગ બાંધેલી હાલતમાં એક બોરીમાંથી મળી આવી હતી.પીડિતાના ભાઈએ જણાવ્યું કે, તેણે ડોક્ટરો સાથે વાત કરી હતી. ડૉક્ટરોએ જણાવ્યું કે તેના પ્રાઈવેટ પાર્ટમાં સળિયો વગેરે નાખવામાં આવ્યા છે. આરોપીઓ તેને ડરાવવા માટે લઈ ગયા હતા. પરંતુ તેણી પર બળાત્કાર થયો છે. જ્યાં આરોપી તેની બહેનને લઈ ગયો હતો, ત્યાં પહેલાથી જ એક શખ્સ હતો. આ પાંચેય લોકોએ તેની બહેન સાથે ખોટું કર્યું છે.

थाना नंदग्राम क्षेत्र मे महिला के साथ हुई घटना के सम्बन्ध मे @Uppolice https://t.co/ZpYk3vP0pI pic.twitter.com/KBeyld5eQc

— GHAZIABAD POLICE (@ghaziabadpolice) October 19, 2022

પોલીસ એક ઇસમની ધરપકડ કરી 

ગાઝિયાબાદના નંદગ્રામમાં પોતાના ભાઈના જન્મદિવસની ઉજવણી કરવા આવેલી યુવતી પર ગેંગરેપ કેસમાં પોલીસે અત્યાર સુધીમાં એક આરોપીની ધરપકડ કરી છે. સાથે જ ચાર આરોપીઓને કસ્ટડીમાં લઈને પૂછપરછ કરવામાં આવી રહી છે. આ અંગે ગાઝિયાબાદ પોલીસે ટ્વીટ કરીને માહિતી આપી છે. જેમાં પોલીસે જણાવ્યું કે, મહિલાએ પહેલા બે લોકો પર આરોપ લગાવ્યા. પછી કહ્યું કે .ચાર લોકોએ તેનું અપહરણ કર્યું અને પાંચ લોકોએ તેની સાથે ગેંગરેપ કર્યો. હાલમાં પીડિતાની ફરિયાદના આધારે કેસ નોંધીને તપાસ શરૂ કરવામાં આવી છે.

પીડિતાની દિલ્હીમાં સારવાર કરાશે

પીડિતા સાથે સામૂહિક બળાત્કારના મામલામાં પોલીસે જણાવ્યું કે, અહીં ગાઝિયાબાદમાં પીડિતાનું મેડિકલ કરાવવાનો પ્રયાસ કરવામાં આવ્યો, પરંતુ મહિલાએ ના પાડી. જ્યારે પોલીસે મેરઠ મેડિકલ મોકલવાની વાત કરી તો મહિલાએ કહ્યું કે, તે દિલ્હીમાં સારવાર કરાવશે. આવી સ્થિતિમાં તેમને દિલ્હી મોકલવામાં આવ્યા છે. તે જ સમયે, પોલીસ દિલ્હીની હોસ્પિટલના સંપર્કમાં છે. ત્યાંથી મેડીકો લીગલ રિપોર્ટ મેળવ્યા બાદ જરૂરી પુરાવા એકત્ર કરવામાં આવશે. આ દરમ્યાન પકડાયેલા આરોપીઓ તેમજ અટકાયત કરાયેલા આરોપીઓની પૂછપરછ ચાલી રહી છે. મહિલાના ભાઈનું નિવેદન પણ નોંધવામાં આવ્યું છે.