નિર્ભયા રેપ કેસ / પટિયાલા હાઉસ કોર્ટમાં ડેથ વોરન્ટ પર સુનાવણી ટળી, દોષિતોને મળ્યા વધુ 20 દિવસ

• પટિયાલા હાઉસ કોર્ટમાં થઇ સુનાવણી
• પટિયાલા હાઉસ કોર્ટમાં ડેથ વોરન્ટ પર સુનાવણી ટળી
• સુપ્રીમ કોર્ટે અક્ષયની પુનર્વિચાર અરજી ફગાવી દીધી

નિર્ભયાના માતા-પિતાએ ચારેય દોષિતોને જલ્દી જ ફાંસી આપવાની માંગ સાથે ડેથ વોરન્ટ જાહેર કરવાની અપીલ કરી હતી. 

સુપ્રીમ કોર્ટે નિર્ભયા ગેંગરેપના દોષિત અક્ષયની પુનર્વિચાર અરજીને ફગાવી દીધી છે. પટિયાલા હાઉસ કોર્ટમાં સુનાવણી ટળી. ગત સુનાવણીમાં પટિયાલા હાઉસ કોર્ટે કહ્યું હતું કે મામલો સુપ્રીમ કોર્ટમાં લંબિત છે. એવામાં અમે ડેથ વોરન્ટ જાહેર ન કરી શકીએ, પરંતુ હવે સુપ્રીમ કોર્ટે અરજીને ફગાવી દીધી છે. ત્યારબાદ હવે દોષિતોની પટિયાલા હાઉસ કોર્ટમાં વીડિયો કોન્ફરન્સિંગ દ્વારા સુનાવણી કરવામાં આવી.

આ અગાઉ નિર્ભયા દુષ્કર્મ કેસમાં પટિયાલા હાઉસ કોર્ટમાં સુનાવણી ટાળી દેવામાં આવી હતી. કોર્ટમાં જજે કહ્યું હતું કે મને સુપ્રીમમાંથી જાણકારી મળી છે કે અક્ષયની પુનર્વિચાર અરજીને સ્વીકારી લેવામાં આવી છે અને તેની પર 17 ડિસેમ્બરે સુનાવણી કરવામાં આવશે, જેને લઇને પટિયાલા કોર્ટ દ્વારા 18મીએ સુનાવણી કરવામાં આવશે. 

શું હોય છે ડેથ વોરન્ટ?

કોડ ઓફ ક્રિમિનલ પ્રોસીઝર -1973 એટલે કે દંડ પ્રક્રિયા સંહિતા-1973 (CrPC)ના હેઠળ 56 ફોર્મ્સ હોય છે. ફોર્મ નંબર 42ને ડેથ વોરન્ટ કહેવામાં આવે છે. તેની ઉપર 'વોરન્ટ ઓફ એક્જેક્યૂશન ઓફ અ સેન્ટેન્સ ઓફ ડેથ' લખેલું હોય છે. આ ઉપરાંત તેને બ્લેક વોરન્ટ પણ કહેવામાં આવે છે. તેના જાહેર થયા બાદ જ કોઇ વ્યક્તિને ફાંસી આપવામાં આવે છે. 

સુપ્રીમ કોર્ટે શું કહ્યું? 

બીજી તરફ સુપ્રીમ કોર્ટમાં નિર્ણય સંભળાવતા જસ્ટિસ ભાનુમતિએ કહ્યું કે ટ્રાયલ અને તપાસ યોગ્ય થઇ છે અને તેમાં કોઇ ખામી નથી. મૃત્યું દંડનો સવાલ છે તો તેમા કોર્ટે બચાવની પૂર્ણ તક આપી છે. જજે કહ્યું, અમને અરજીમાં કોઇ ગ્રાઉન્ડ ન મળ્યું. આમ અક્ષયની પુનર્વિચાર અરજી ફગાવી દેવામાં આવી.