IPLIN
 
  • Home
  • India
  • Nirbhaya Case : Supreme Court To Hear Today The Petition Filed By Pawan Kumar Gupta

સુનાવણી / નિર્ભયા કેસમાં ગુનેગાર પવન કુમાર ગુપ્તાની અરજી પર SCમાં આજે સુનાવણી

Team VTV 08:33 AM, 20 Jan 20 | Updated: 08:39 AM, 20 Jan 20
Follow us
Nirbhaya Case : Supreme Court To Hear Today The Petition Filed By Pawan Kumar Gupta

નિર્ભયા સામુહિક દુષ્કર્મ અને હત્યાના કેસમાં ફાંસીની સજાથી બચવા માટે ગુનેગાર પવન કુમાર ગુપ્તાએ નવો દાવ અજમાવ્યો છે. તેનો દાવો છે કે ઘટના સમયે તે સગીર હતો. સુપ્રીમ કોર્ટ દાવાની સચ્ચાઈની તપાસ પછી તેની અરજી પર આજે સુનાવણી કરશે.

  • નિર્ભયા કેસમાં પવનની અરજી પર SCમાં સુનાવણી
  • ઘટના સમયે સગીર હોવાનો દાવો
  • હાઈકોર્ટે દોષિત પવનની અરજી ફગાવી હતી

જસ્ટિસ ભાનુમતિ, જસ્ટિસ અશોક ભૂષણ અને જસ્ટિસ એએસ બોપન્નાની પીઠની સમક્ષ પવને હાઈકોર્ટના નિર્ણયને પડકાર્યો છે. જેમાં ઘટના સમયે તે સગીર હોવાની દલીલને નકારી હતી. દોષીએ પોતાની અરજીમાં કહ્યું કે 16 ડિસેમ્બર 2012માં અપરાધ થયો તે સમયે તે સગીર હતો. 

હાઈકોર્ટમાં કરી અપીલ

દોષી પવન કુમાર ગુપ્તાએ હાઈકોર્ટમાં અપીલ કરી હતી પરંતુ તેને રાહત મળી નહીં. હાઈકોર્ટે તેની અરજી નકારી દીધી હતી. પવને દલીલ કરી કે ઉંમરનો અંદાજ લગાવવા માટે અધિકારીઓએ તેની શારીરિક તપાસ કરી નથી. તેણે ઉચ્ચ અદાલતને અનુરોધ કર્યો કે તેનો કેસ કિશોર ન્યાયાલયમાં ચલાવવામાં આવે. 

હાઈકોર્ટે નકલી દસ્તાવેજો બદલ પવનને 25 હજારનો દંડ ફટકાર્યો

ગત મહિને દિલ્હી હાઈકોર્ટે કોર્ટમાં નકલી દસ્તાવેજો દાખલ કરવા અને સુનવણી દરમિયાન હાજર ન રહેવાનાં કારણે વકીલ સામે કાર્યવાહી કરવાનો આદેશ કર્યો છે. બાર કાઉન્સેલિંગે વકીલ એપી સિંહ પાસે 2 અઠવાડિયામાં જવાબ માંગ્યો છે. ઉલ્લેખનીય છે કે પવનનાં વકીલે નકલી દસ્તાવેજો રજુ કરી કોર્ટને જણાવ્યું હતું કે વર્ષ 2012માં ઘટના દરમિયાન પવન સગીર હતો. કોર્ટે ગત વર્ષ 19 ડિસેમ્બરે પવન ગુપ્તાનાં આ દાવાને ખોટો હોવાનું નોંધી તેને ફગાવી દીધો હતો. એટલું જ નહી 25 હજાર રુપિયાનો દંડ ફટકાર્યો હતો. 

nirbhaya case Supreme Court petition case Pawan Kumar Gupta અરજી પવન કુમાર ગુપ્તા સુનાવણી સુપ્રીમ કોર્ટ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ