મુંબઇની વિશેષ કોર્ટે PNBનાં 13 હજાર કરોડનાં ગોટાળાનાં આરોપી નીરવ મોદીનાં ઘરેથી જપ્ત કરેલ 173 મોંઘા ચિત્રો અને 11 લક્ઝરી કારની હરાજી કરવાનો આદેશ આપ્યો છે. કોર્ટે ઇડીને આદેશ આપ્યો છે કે આગામી સપ્તાહે આ ચિત્રો અને કારની હરાજી કરે. આ ચિત્રની કિંમત 52.72 કરોડ રૂપિયા છે.
ઇડીએ 75 ઠેકાણાંઓ પર દરોડાં પાડીને નીરવ મોદીની અંદાજે 1900 કરોડ રૂપિયાની સંપત્તિ જપ્ત કરી હતી. આમાં મોંઘા સામાન, ઝવેરાત, કાર અને ચિત્રો શામેલ છે. આ સિવાય હોંગકોંગ, સ્વિટ્ઝર્લેન્ડ, ઇંગ્લેન્ડ, અમેરિકા, સિંગાપુર અને સંયુક્ત અરબ અમીરાતમાં 961.49 કરોડ રૂપિયાની સંપત્તિ જપ્ત કરી હતી.
તમને જણાવી દઇએ કે ભાગેડું PNB કૌભાંડનો મુખ્ય આરોપી હીરાનાં વેપારી નીરવ મોદીને બુધવારનાં રોજ લંડનમાંથી ધરપકડ કરી લેવામાં આવી છે. તેને વેસ્ટમિસ્ટર કોર્ટમાં રજૂ કરવામાં આવશે. આ કોર્ટે તેની વિરૂદ્ધ ધરપકડનું વોરંટ પણ રજૂ કર્યુ હતું.
મહત્વનું છે કે નીરવ મોદીને અગાઉ થોડાંક દિવસો પહેલાં લંડનમાં જોવામાં આવ્યો હતો. ત્યાર બાદ ભારતીય એજન્સીઓએ તેને ભારત પરત લાવવાની કવાયતમાં જોડાઇ ગઇ. જાન્યુઆરી 2018માં નીરવ મોદી ભારતમાંથી રફુચક્કર થઇ ગયો હતો.