ભારતનાં ખાતામાં પહેલો ગોલ્ડ
આખરે ભારતનું સપનું સાકાર થયું, ભાલા ફેંકમાં ભારતનાં સ્ટાર નિરજ ચોપડાએ ઈતિહાસ રચી દીધો છે. ટોક્યો ઑલિમ્પિક્સમાં ભારતને ગોલ્ડની આશા માત્ર નિરજ પાસેથી જ બચી હતી જે નિરજે સાકાર કરી. નિરજે ઑલિમ્પિક્સમાં જે રીતે ભાલો ફેંક્યો તે જોઈને વિશ્વનાં ધુરંધરો પણ હેરાન થઈ ગયા હતા, પહેલા જ રાઉન્ડથી નિરજ ટોપ પર રહ્યા અને 6 રાઉન્ડ સુધી તેમના સ્કોરને કોઈ અડી પણ ન શક્યું.
નિરજે ધમાકેદાર શરૂઆત કરી (પ્રથમ રાઉન્ડ)
નીરજ ચોપડા ફાઇનલમાં ઉતર્યા ત્યારે તેઓ એ સૌથી પહેલા ભાલાફેંકમાં 87 મીટર દૂર ભાલો ફેંક્યો હતો. નીરજની ધમાકેદાર શરૂઆત બાદ પહેલા જ પ્રયાસમાં ખૂબ જ દૂર થ્રો કર્યો હતો. નીરજનો થ્રો જોઈને અન્ય ખેલાડીઓ પણ ચોંકી ગયા હતા.
બીજા રાઉન્ડમાં પણ ટોપમાં
એક બાદ એક નીરજ ચોપડા જોરદાર પ્રદર્શન કરી રહ્યા હતા. બીજા રાઉન્ડમાં પણ નિરજે જોરદાર થ્રો કર્યો અને 87.58 મીટર દૂર ભાલો ફેંક્યો તેઓ સતત બીજા રાઉન્ડમાં ટોપ પર રહ્યા.
Neeraj Chopra is only getting better with each throw! 🔥
ત્રીજા રાઉન્ડમાં થોડું નિશાન ચૂક્યું
ત્રીજા રાઉન્ડમાં નીરજનો ભાલો દૂર સુધી ન જઈ શક્યો, ત્રીજા પ્રયાસમાં 76.79 મીટર સુધી ભલો ફેંક્યો હતો. ત્રણ રાઉન્ડ બાદ નીરજ પહેલા સ્થાન પર જ યથાવત રહ્યા હતા.
ચોથો રાઉન્ડ ફાઉલ ગયો
ચોપડાનો ચોથો રાઉન્ડ ફાઉલ ગયો હતો પરંતુ નિરજનો સર્વશ્રેષ્ઠ સ્કોર 87.58 મીટર છે જેને કોઈ ખેલાડી અડી પણ ન શક્યું અને તેથી તેઓ પહેલા જ સ્થાન પર રહ્યા.
ભારતને બે જ ખેલાડીઓ પાસે બચી હતી આશા
ટોક્યો ઑલિમ્પિક્સમાં ભારતને હવે બે જ ખેલાડીઓથી આશા બચી હતી જેમાં એક નીરજ ચોપડા તથા બીજા બજરંગ પુનિયા. બજરંગ પુનિયા બ્રોન્ઝ જ્યારે નીરજ ચોપડાની આજે ફાઇનલ મેચ હતી.
કોણ હતું ટક્કરમાં?
નીરજ ચોપડાની સામે જર્મનીનાં જોહાનેસ વેટર ઠથાય વેબર, ચેક રિપબ્લિકનાં Jakub Vadlejch તથા વિટદેસલાવ, પાકિસ્તાન અરશદ નદીમ, હતા.
ભારત અને પાકિસ્તાન વચ્ચે ટક્કર માટે દેશ જોઈ રહ્યો હતો આતુરતાથી રાહ
જેવલીન થ્રોમાં પાકિસ્તાનનો નદીમ ભારતના નીરજ ચોપડાને ટક્કર આપી રહ્યો છે. ક્વાલિફાઈંગ રાઉન્ડમાં નદીમ ત્રીજા નંબર પર હતો. એવામાં આ રમતમાં ભારત અને પાકિસ્તાનની સીધી ટક્કર માનવામાં આવી રહી છે. જોકે નદીમ પોતે નીરજ ચોપડાના અનેકવાર વખાણ કરી ચૂક્યો છે.
અદિતી માત્ર એક શૉટથી મેડલ ચૂકી, ભારતની સર્વશ્રેષ્ઠ ગોલ્ફર
નોંધનીય છે કે બીજી તરફ આજે અદિતીએ શાનદાર પ્રદર્શન કર્યું હતું જોકે મેડલની આશા ખતમ થઈ ગઈ હતી. અદિતી અશોક ચોથા સ્થાન પર રહી અને આજે રમત પૂર્ણ કરી છે. માત્ર એક શૉટનાં અંતરથી તે મેડલથી ચૂકી ગઈ છે. જોકે અદિતી અશોક ભારતનાં ઈતિહાસમાં સૌથી સારું પ્રદર્શન કરનારી ગોલ્ફર બની ગઈ છે. ગોલ્ફમાં ગોલ્ડ મેડલ અમેરિકાનાં ખાતામાં ગયો છે.