મહાસત્તાના મહાસંગ્રામમાં આ વખતે ભારતીય મૂળના લોકોનો ડંકો વાગી રહ્યો છે ત્યારે મૂળ કચ્છના નીરજ અંતાણી અમેરિકામાં સેનેટર તરીકે ચૂંટાઈને આવ્યા છે.
અમેરિકામાં ટ્રમ્પ અને બાઈડેન વચ્ચે કાંટાની ટક્કર
ઓહાયોથી સેનેટર બન્યા નીરજ અંતાણી
મૂળ કચ્છી નીરજે ડેમોક્રેટિક ઉમેદવાર માર્ક ફોગલને મ્હાત આપી
ઓહાયોમાં પહેલા મૂળ ભારતીય સેનેટર બન્યા નીરજ અંતાણી
અમેરિકામાં રાષ્ટ્રપતિની ચૂંટણીમાં ટ્રમ્પ અને બાઈડેન વચ્ચે કાંટાની ટક્કર છે અને હજુ સુધી અંતિમ પરિણામો સામે આવ્યા નથી. એવામાં ગુજરાતના નીરજ અંતાણીએ અમેરિકામાં મોટી સિદ્ધિ હાંસલ કરી છે.
અમેરિકાની ચૂંટણીમાં ઓગાયો રાજ્યમાં નીરજ અંતાણી સેનેટર તરીકે ચૂંટાઈને આવ્યા છે અને ઓહાયો રાજ્યમાં તેઓ પહેલા ભારતીય છે જે આ સ્થાન સુધી પહોંચી શક્યું છે. નોંધનીય છે કે નીરજ મૂળ કચ્છનાં છે અને તેમણે ડેમોક્રેટિક ઉમેદવાર માર્ક ફોગલને ચૂંટણીમાં મ્હાત આપી. નીરજ અંતાણી મૂળ ગુજરાતનાં છે અને તેમના માતાપિતા વર્ષ 1987માં વોશિંગટન સ્થાયી થઇ ગયા હતા અને નીરજનો જન્મ અમેરિકામાં જ થયો છે.
નોંધનીય છે કે આ પહેલા પણ નીરજ અંતાણીએ સિદ્ધિઓ હાંસલ કરી છે, 2015મા ફોર્બ્સ મેગેઝિને કાયદા અને નીતિ માટે 30 વર્ષથી ઓછી ઉંમરના ટોપ-30 લોકોમાં નીરજ અંતાણીનો સમાવેશ કર્યો હતો.
અમેરિકામાં સેનેટની ચૂંટણીમાં વિજેતા થયા બાદ નીરજે આભાર માનતા કહ્યું કે હું મારા બધા મતદારોનો આભારી છું. તમારા સેનેટર તરીકે હું દરરોજ અથાક પરિશ્રમ અને મહેનત કરી જેથી ઓહાયોનું અમેરિકન સપનું પ્રાપ્ત કરવાની તક મળી શકે.