હેરાની સાથે કદાચ તમને સાંભળવામાં અટપટુ લાગે. પરંતુ નવ વર્ષનો બાળક અશ્લિલ વીડિયો સોશિયલ મીડિયામાં વાયરલ કરતો હતો. નિજામુદ્દીન પોલીસે બાળકની સામે કેસ નોંધ્યો છે. જણાવવામાં આવી રહ્યું છે કે દિલ્હી પોલીસે બાળકના ઘરે જઇ તેની પૂછપરછ કરી રહી છે.
નવ વર્ષના બાળકે અશ્લિલ વીડિયો સો.મીડિયામાં અપલોડ કર્યો
દિલ્હીમાં નિજામુદ્દીન પોલીસે બાળકની સામે કેસ નોંધ્યો
દિલ્હી પોલીસે બાળકના ઘરે જઇ તેની પૂછપરછ કરી
નવ વર્ષના બાળકે અશ્લિલ વીડિયો સો.મીડિયામાં અપલોડ કર્યો
આ મામલે દક્ષિણ-પૂર્વ જિલ્લા ડીસીપી ઈશા પાંડેએ મૌન ધારણ કર્યુ છે. દિલ્હી પોલીસના ઓપરેશન માસૂમ હેઠળ આ વાત સામે આવી છે. ઓપરેશન માસૂમ હેઠળ 97થી વધુ લોકોની ધરપકડ કરવામાં આવી છે. દક્ષિણ-પૂર્વ જિલ્લાના એક વરિષ્ઠ અધિકારીએ જણાવ્યું કે આરોપી બાળક દક્ષિણ દિલ્હીના એક પ્રતિષ્ઠિત શાળામાં ભણે છે અને માત્ર નવ વર્ષનો છે. જણાવવામાં આવી રહ્યું છે કે બાળકે પોતાના પિતાના મોબાઈલ ફોનનો તેના માટે ઉપયોગ કર્યો. બાળકે ઈ-મેલ આઈડી બનાવી અશ્લિલ વીડિયોને સોશિયલ મીડિયામાં અપલોડ કરી દીધો. બાળકની પાસે આ અશ્લિલ વીડિયો ક્યાકથી આવ્યો હતો. બાળકના પિતા ઓછા શિક્ષિત છે. અંતમાં બાળક પિતા ઓછા શિક્ષિત હોવાનો ફાયદો ઉઠાવતો હતો. અમેરિકન એનજીઓ એનસીએમઈસીની ફરિયાદ પર નિજામુદ્દીન પોલીસ સ્ટેશનમાં કેસ નોંધવામાં આવ્યો છે. પોલીસ સૂત્રોએ જણાવ્યું કે આ મામલે પૂછપરછ ચાલી રહી છે. બાળકે આ વીડિયો થોડા સમય પહેલાં મોકલ્યો હતો.
દિલ્હી પોલીસ કરી રહી છે તપાસ
અમેરિકાની ખાનગી સંસ્થા નેશનલ સેન્ટર ફોર મિસિંગ એન્ડ એક્સપ્લોઈટ ચિલ્ડ્રન (એનસીએમઈસી)ના સોશિયલ મીડિયા પર રખાતી દેખરેખમાં આ વાત સામે આવી છે. એનસીએમઈસી સોશિયલ મીડિયા પર ચાઈલ્ડ પોનોગ્રાફી (બાળ અશ્લિલ સામગ્રી)ને લઇને નજર રાખે છે અને આ રીતના કેસ સામે આવતા સંબંધિત દેશને જણાવે છે. એનસીએમઈસીએ બાળકનો કેસ એનસીઆરબીને જણાવ્યું અને એનસીઆરબીએ આ માહિતી દિલ્હી પોલીસને આપી. દિલ્હી પોલીસ આ મામલે તપાસ કરી રહી છે.