આંદોલન / જાણો કેમ ખેડૂતો જમીનમાં સમાધિ લઈને ઈચ્છામૃત્યુની માંગ કરી રહ્યાં છે?

• રાજસ્થાનના ધરતીપુત્રો જમીનમાં 4-4 ફૂટ ઊંડા ખાડા બેઠા છે
• ખેડૂતો ખાડામાં બેસી પોતાની વેદના પ્રદર્શિત કરી રહ્યા છે
• આ આંદોલન માટે દિલ્લી-મુંબઈ એક્સપ્રેસ વે માટે કરાઈ રહેલું જમીન સંપાદન કારણભૂત છે

ખેડૂતોના આ આંદોલન માટે ભારતમાલા પ્રોજેક્ટ હેઠળના દિલ્લી-મુંબઈ એક્સપ્રેસ વે માટે કરાઈ રહેલું જમીન સંપાદન કારણભૂત છે. સરકારે એક્સપ્રેસ વે માટે સપ્ટેમ્બર 2018થી ખેડૂતોની જમીનનું સંપાદન શરૂ કરાયું છે. જેના વિરોધમાં ખેડૂતોએ આંદોલન છેડી દીધું. ખેડૂતોએ આ નવતર વિરોધ પ્રદર્શનને `જમીન સમાધિ સત્યાગ્રહ' નામ આપ્યું છે. વિરોધ પ્રદર્શનનો આ વર્ષનો આ 57મો દિવસ છે અને અને તાજા અભિયાનનો આ ત્રીજો દિવસ છે. 

ખેડૂતોની આ છે માગણી 

• ખેડૂતોની માગણી છે કે, બિન ઉપજાઉ જમીન પરથી હાઈવે પસાર કરવામાં આવે 
• ઉપજાઉ અને સિંચાઈ વાળી જમીનને સંપાદનથી બહાર રાખવામાં આવે 
• ભારતમાલા પ્રોજેક્ટને કારણે નર્મદા કેનાલ પર અસર ન પડે તે નક્કી કરવામાં આવે 
• વિભાજિત થઈ જતા ખેડૂતોના ખેતરો વચ્ચે ઓવરબ્રિજ બનાવવામાં આવે 
• રાજસ્થાન સરકાર તરફથી જાહેર કરેલા DLC પ્રમાણે વળતર ચૂકવવામાં ન આવે 
• સંપાદિત થયેલી જમીનનું વળતર વર્તમાન બજારભાવ પ્રમાણે ચૂકવવામાં આવે 

ખેડૂતો પોતાની આ માગણીને લઈને ઘણા દિવસથી આ રીતે સરકારનું ધ્યાન ખેંચી રહ્યા છે. ખેડૂતો ઈચ્છામૃત્યુની મંજૂરી પણ માંગી ચૂક્યા છે. પરંતુ સરકારના કોઈ પ્રતિનિધિ તેમની પાસે ફરક્યા નથી જેના કારણે ખેડૂતો સરકારથી નારાજ થયા છે.

#WATCH Rajasthan: Farmers stage 'zameen samadhi satyagraha' (half-bury their bodies in the ground) to protest against provisions of acquisition of their land by Jaipur Development Authority (JDA), at Nindar village in Jaipur. pic.twitter.com/CjFGLpcZyv

— ANI (@ANI) March 2, 2020

ખેડૂતોના મતે જે જમીનના વર્તમાન બજાર ભાવ વીઘા દીઠ ભાવ-15થી 20 લાખ રૂપિયા છે. તે જમીનના વળતર પેટે રાજસ્થાન સરકાર માત્ર 2 થી 2.5 લાખ રૂપિયા આપી રહી છે. આ દર ખેડૂતોને અન્યાયી લાગી રહ્યા છે. આથી જ્યાં સુધી ન્યાય નહીં મળે ત્યાં સુધી ખેડૂતો લડત ચાલુ રાખવાનું ખેડૂતોએ મન બનાવી લીધું છે. 

હાલ તો આ સત્યાગ્રહમાં માત્ર રાજસ્થાનના જ ખેડૂતો જોડાયેલા છે. પરંતુ જો સરકાર હજુ પણ ખેડૂતોની માગણી સામે ધ્યાન નહીં આપે તો ધુળેટી પહેલા જ સમગ્ર દેશમાંથી 5 લાખ ખેડૂતોને રાજસ્થાન એકઠા કરવાની રણનીતિ ખેડૂતોએ ઘડી લીધી છે. ત્યારે હવે જોવાનું એ રહે છે કે, રાજસ્થાન સરકાર ખેડૂતોની આ માગણીનો કેવો પ્રત્યુત્તર આપે છે.