બિટકોઇન મામલે લાંબા સમય બાદ નલીન કોટડિયા આવ્યા સામે VIDEO કર્યો રેકોર્ડ

સુરતઃ બિટકોઈન કૌભાંડ મામલે લાંબા સમય પછી નલીન કોટડિયા આવ્યા સામે હતાં. બિટકોઈન મામલે નલીન કોટડીયાએ પોતાની જાતને નિર્દોષ ગણાવ્યા હતાં. મીડિયાના સવાલોથી બચવા જાતે વિડીયો રેકોર્ડ કરી મોકલ્યો હતો. વિડીયોમાં શૈલેષ ભટ્ટના આક્ષેપોને નલીન કોટડિયાએ નકાર્યા હતાં.

તેમણે શૈલેષ ભટ્ટના આક્ષેપો પાયાવિહોણા જણાવ્યા હતાં. તેમણે ઉમેર્યુ હતું કે હું મારા નિવાસ સ્થાન પર જ છુ ફરાર થયો નથી. હું અને કીરીટ પ્રદીપસિંહને મળ્યા હતાં. પ્રદીપસિંહને મળીને રજૂઆત કરી હતી.



ઉલ્લેખનીય છે કે બિટકોઇન કૌભાંડનો મુખ્ય સૂત્રધાર ભાજપના પૂર્વ ધારાસભ્ય નલીન કોટડિયા હોવાનું ખુલ્યું છે. બિલ્ડર શૈલેષ ભટ્ટનું અપહરણ કરીને તેની પાસેથી બિટકોઇન પડાવી લેવામાં આવ્યા હતા. આ અંગે થયેલી ફરિયાદ અંગે CID ક્રાઇમ દ્વારા તપાસ શરૂ કરવામાં આવી હતી. જે તપાસમાં અમરેલીના PI અનંત પટેલ SP  જગદીશ પટેલ વગેરેની ધરપકડ કરીને રિમાન્ડ પર લેવાયા હતાં.

મહત્વનું છે કે સુરતમાં બિલ્ડર પાસેથી બિટકોઈ પડાવી લેવાના મામલે CBI અધિકારી સુનિલ નાયરની બદલી કરી દેવામાં આવી છે. સુનિલ નાયરની બદલી ગુજરાતમાંથી મેઘાલય કરી દેવામાં આવી છે. નેતાઓને આજીજી કર્યા બાદ નાયરની બદલી કરાઈ હોવાનું પણ ચર્ચાઈ રહ્યું છે.