રિલાયન્સ ઇન્ડસ્ટ્રીઝનાં ચેરમેન મુકેશ અંબાણી બિઝનેસની દુનિયામાં પોતાના નિર્ણયોમાં કારણે ખૂબ જાણીતા છે. રિલાયન્સ ઇન્ડસ્ટ્રીઝને ટેલિકોમથી લઈને પેટ્રોકેમિકલ સુધીના ક્ષેત્રોમાં ખૂબ જોરદાર સફળતા મળી છે તેની પાછળ તેમની ટીમ ખૂબ જોરદાર છે.
રિલાયન્સમાં અંબાણીની ટીમ ખૂબ જોરદાર
હિતલ અને નિખિલ મેસ્વાણીને મનાય છે મુકેશ અંબાણીનો જમણો હાથ
નિખિલ અને હિતલ સાથે અંબાણીનો કાકા-ભત્રીજાનો સંબંધ
મનોજ મોદીથી લઈને હિતલ અને નિખિલ મેસ્વાણી સુધીનાં કેટલાય એવા ચહેરાઓ છે જે ભલે ચર્ચામાં નથી આવી રહ્યા પણ પડદા પાછળ રહીને કંપની માટે મોટા નિર્ણયો લે છે. ખાસ કરીને હિતલ અને નિખિલ મેસ્વાણી તો મુકેશ અંબાણીનાં જમણો હાથ માનવામાં આવે છે. બંને ભારે મુકેશ અંબાણીના ફોઈ ત્રિલોચનાબેનના પૌત્ર છે.
નિખિલ મેસ્વાણી :
નિખિલ મેસ્વાણી પોતે કેમિકલ એન્જીનીયર છે અને 1986માં તે રિલાયન્સમાં સામેલ થયા હતા. વર્ષ 1997થી વર્ષ 2005 સુધી તેમણે કંપનીની રિફાયનરીનો વ્યવસાય સંભાળ્યો હતો. તેઓ રિલાયન્સનાં સંસ્થાપક ડાયરેક્ટરમાંથી એક છે. આ સાથે જ તેઓ અન્ય કોર્પોરેટ જવાબદારીઓ પણ સંભાળતા હતા. રિલાયન્સ ઇન્ડસ્ટ્રીઝની વેબસાઈટ પર આપેલ જાણકારી અનુસાર રિલાયન્સનાં પેટ્રોકેમીકલ્સ ક્ષેત્રમાં કંપનીને વૈશ્વિક લીડર બનાવવામાં નિખિલનું ખાસ યોગદાન છે. વર્ષ 1988થી તેઓ કંપનીના બોર્ડના સભ્ય છે અને તેમને એગ્ઝીક્યુટિવ ડાયરેક્ટરની પણ જવાબદારી આપવામાં આવી છે.
હિતલ મેસ્વાણી :
નિખિલના નાના ભાઈ હિતલ મેસ્વાણી પણ ગ્રુપમાં સક્રિય છે અને માર્કેટિંગ સંભંધિત બિઝનેસ અને પેટ્રોલીયમ રિફાયનિંગ જેવા વિભાગો સંભાળે છે. હજીરાનાં વર્લ્ડ ક્લાસ પેટ્રોકેમીકલ્સ કોમ્પલેક્ષ અને જામનગરની રિફાયનરીનું કામકાજ તે પોતે સંભાળે છે. 1990માં તેઓ કંપનીમાં સામેલ થયા હતા. હિતલ મેસ્વાણી 1995થી રિલાયન્સ ઇન્ડસ્ટ્રીઝ લિમિટેડમાં કાર્યકારી ડાયરેક્ટરનું પદ સંભાળી રહ્યા છે. કંપનીને જોઈન કર્યા પહેલા તેમણે અમેરિકાની યુનિવર્સિટી ઓફ પેન્સીલવેનિયાનાથી જોડાયેલા મેનેજમેન્ટ એન્ડ ટેકનોલોજીમાં ગ્રેજ્યુએશન કર્યું છે. આ સિવાય તેમણે યુનિવર્સિટી ઓફ પેન્સીલવેનિયાનામાં કેમિકલ એન્જીનીયરીંગમાં BSc પણ કર્યું હતું.
શું છે સંબંધ ?
ગીતા પિરામલની પુસ્તક અનુસાર મુકેશ અંબાણીના ફોઈ એટલે કે ધીરુભાઈના બહેન ત્રિલોચનાબેનના દીકરા રસિકલાલ મેસ્વાણી. તે સંસ્થાપક સદસ્યોમાંથી એક હતા અને જયારે કંપની આગળ વધી તો તેમના દીકરા નિખિલ અને હિતલ પણ જોડાઈ ગયા. આમ રસિકલાલ મુકેશ અંબાણીના ભાઈ થયા અને નિખિલ અને હિતલ સાથે અંબાણીના કાકા-ભત્રીજાનો સંબંધ છે.