ગાંધીનગરના નવા સચિવાલયના ગૃહ વિભાગમાં એડિશનલ સેક્રેટરી તરીકેની ફરજ બજાવી ચૂકેલા નિખિલ ભટ્ટની ફરી ગૃહ વિભાગમાં કોન્ટ્રાક્ટ બેઝ પર એડિશનલ સેક્રેટરી તરીકે નિમણૂક કરવામાં આવી છે.
ગૃહ વિભાગમાં નિખિલ ભટ્ટની કોન્ટ્રાક્ટ બેઝ પર એડિશનલ સેક્રેટરી નિમણૂક
અગાઉ એડિશનલ સેક્રેટરી તરીકે સેવા આપી ચૂક્યા છે નિખિલ ભટ્ટ
તેમની સચિવાલયમાં ફરી વાપસી થતા ચર્ચાનો વિષય બન્યો છે
ગાંધીનગરના સચિવાલયમાં હાલ નિખિલ ભટ્ટ ચર્ચાનો વિષય બન્યા છે. નિખિલ ભટ્ટ વયનિવૃત્તિ પામે તે પૂર્વે 2 વર્ષ પહેલા 1 વર્ષનું એક્સેટન્શન અપાયું હતું. ત્યારબાદ ગૃહ વિભાગના એડિશનલ સેક્રેટરી તરીકે સેવા આપતા નિખિલ ભટ્ટને એક્સટેન્શન અપાયું ન હતું. ત્યારે હવે તેમની કોન્ટ્રાક્ટ બેઝ પર એડિશનલ સેક્રેટરી તરીકે વાપસી થઇ છે. ગૃહ વિભાગમાં કોન્ટ્રાક્ટ બેઝ પર એડિશનલ સેક્રેટરી તરીકે તેમની નિમણૂક કરવામાં આવી છે.
નિખિલ ભટ્ટે વર્ષો સુધી ગૃહ વિભાગમાં સેવા બજાવી છે. એટલુ જ નહીં તમામ ગૃહમંત્રીઓના તેઓ ખાસ વિશ્વાસુ ગણાતા હતા. તમામ સંવેદનશીલ ફાઇલ્સ અને અદાલતોનું ફોલોપ કરવાની જવાબદારી તેમના જ શિરે રહેતી હતી. ત્યારબાદ તેમને એક્સટેન્શન ન અપાયું ન હતું. પરંતુ હાલ તેમને એડિશનલ સેક્રેટરીની કોન્ટ્રાક્ટ આધારિત જવાબદારી સોંપવામાં આવી છે.