આગ્રાની ઈલેક્ટ્રીક વ્હીકલ કંપની NIJ Automotive એ દેશમાં તેનુ ઈલેક્ટ્રીક સ્કૂટર Accelero+ લૉન્ચ કર્યુ છે. ખાસ વાત એ છે કે Accelero+ ની કિંમત 53,000 રૂપિયાથી શરૂ થાય છે અને બેટરી પેકના આધારે 98,000 રૂપિયા સુધી જાય છે.
ફુલ ચાર્જમાં 190 કિલોમીટર સુધી સ્કૂટર ચલાવી શકાય છે
ઈલેક્ટ્રીક સ્કૂટરની ખાસિયતો
જેમાં ત્રણ રાઈડિંગ મોડ્સ છે અને તેને ફુલ ચાર્જમાં 190 કિલોમીટર સુધી ચલાવી શકાય છે. જો કે, આ રેન્જ ફક્ત ઈકો મોડમાં ડ્યુઅલ લિથિયમ ફેરો ફૉસ્ફેટ બેટરી સેટઅપની સાથે મળી શકે છે. સિટી રાઈડિંગ મોડ આ રેન્જ 120 કિલોમીટર સુધી નીચે ઉતરે છે. Accelero+ માં બાકી ઈલેક્ટ્રીક સ્કૂટર જેવી ડિઝાઈન જોવા મળે છે. જેમાં હેન્ડલબાર કાઉલ પર મોટા LED ડીઆરએલ અને નીચે ડ્યુઅલ LED હેડલાઈટ આપવામાં આવેલી છે. આ સાથે ટર્ન ઈન્ડિકેટર્સ મળે છે. NIJ Accelero+ માં એક ડિજીટલ સ્પીડોમીટર, USB ચાર્જિગ, રિવર્સ આસિસ્ટ અને ચાર્જ પોર્ટ જેવા ફીચર્સ આપવામાં આવ્યાં છે. સ્કૂટરમાં આગળની બાજુ ટેલિસ્કોપિક ફોકર્સ અને રિયરમાં ડ્યુઅલ શૉક એબ્જોર્બર આપવામાં આવ્યાં છે.
ઈલેક્ટ્રીક સ્કૂટરનું વજન 86 કિલોગ્રામ
આ ઈલેક્ટ્રીક સ્કૂટર 1,720mm લાંબુ, 690mm પહોળુ અને 1,100mm ઉંચુ છે. Accelero+નુ વ્હીલબેસ 1,280mm અને ગ્રાઉન્ડ ક્લિયરન્સ 175mm છે. ઈલેક્ટ્રીક સ્કૂટરનું વજન 86 કિલોગ્રામ છે અને તેની મહત્તમ લોડિંગ ક્ષમતા 150 કિલોગ્રામ છે. જેના ફ્રન્ટ વ્હીલમાં 180મીમી ડેસ્ક બ્રેક અને પાછળની બાજુ ડ્રમ બ્રેક મળે છે. ઇલેક્ટ્રીક સ્કૂટરને બે પ્રકારના બેટરી પેક-વૉલ્વ રેગ્યુલેટેડ લેડ-એસિડ અને લિથિયમ ફેરો ફૉસ્ફેટની સાથે રજૂ કરવામાં આવ્યું છે. જ્યાં લેડ-એસિડ બેટરી પેકને 3A પાવર સૉકેટ દ્વારા 6 થી 8 કલાકમાં ફૂલ ચાર્જ કરી શકાય છે. તો લિથિયમ ફેરો ફૉસ્ફેટ બેટરી પેકને 6A સૉકેટ દ્વારા 3 થી 4 કલાકમાં ચાર્જ કરી શકાય છે.