નવતર પ્રયોગ / 27મી ઓગસ્ટની અડધી રાત્રે અમદાવાદમાં 1 લાખ લોકો દોડશે, બોલિવૂડ અને ઢોલિવૂડના સ્ટાર્સ પણ રહેશે હાજર, જાણો આયોજન

• અમદાવાદ પોલીસનો નવતર પ્રયોગ
• ડ્રગ્સની બદીને દૂર કરવા ખાસ ઇવેન્ટ
• પોલીસે દ્વારા નાઈટ હાફ મેરેથોનનું આયોજન

અમદાવાદમાં 27મી ઓગસ્ટની રાત્રે સ્પોટ થ્રિલને લઈને પોલીસ દ્વારા નાઈટ હાફ મેરેથોનનું આયોજન કરવામાં આવ્યું છે. આ મેરેથોનનો હેતુ ડ્રગ્સના રવાડે ચઢેલા યુવાનોને સ્પોટ થ્રિલનો જુસ્સો વધારવાનો છે. પશ્ચિમ અમદાવાદના 21 કિલોમીટરના પોશ વિસ્તારમાંથી આ નાઈટ હાફ મેરેથોન પસાર થશે. રિવરફ્રન્ટ ઇવેન્ટ સેન્ટરથી શરૂ થઈને આ હાફ મેરેથોન સિંધુભવન રોડ સુધીના વિસ્તારને આવરી લેશે. તેમાં ગુજરાત યુનિવર્સિટીનો પણ ભાગ સામેલ થશે. 

આયોજનનો હેતુ શું?
27 ઓગસ્ટની આખી રાત લાખો લોકો સડકો પર ઉતરી આવશે અને દોડશે. આ રાત્રે પોલીસની જુદી વ્યવસ્થા જોવા મળશે. કારણે કે રાત્રે પોલીસ બંદોબસ્ત વચ્ચે પોલીસ પણ દોડશે. અમદાવાદમાં  21 કિ.મી.ની નાઈટ હાફ મેરેથોન અડધી રાત્રે યોજાશે. ગુજરાત પોલીસ અત્યાર સુધીના ઇતિહાસમાં ક્યારેય નાઈટ હાફ મેરેથોન આવું આયોજન કરવામાં આવ્યું નથી આ ઈવેન્ટનેની ભવ્યતાની પણ તૈયારી કરી રહી છે. જેનું આયોજન ડ્રગ્સની બદીની નાબૂદી માટે થઈ રહ્યું છે. યુવાનો જીવનમાં ડ્રગ્સ નહિ પરંતુ સ્પોટ થ્રિલ ને મહત્વ આપે.

ગૃહમંત્રી સહિત પોલીસ કમિશનર દોડશે
આ હાફ મેરેથોનની પાછળનો ઉદ્દેશ અમદાવાદના પરિવારો અને યુવાનોને ડ્રગ્સ સામે અવાજ ઉઠાવવા અને હેલ્ધી લાઈફ સ્ટાઈલ જીવવા માટે મેસેજ આપવાનો છે. ત્રણ પાર્ટમાં આ ઇવેન્ટ યોજાશે.. જેમાં બાળકો અને પરિવાર પણ ભાગ લેશે.. ફનની સાથે નવો અનુભવ પણ આ હાફ મેરેથોનમાં મળશે. આ હાફ મેરેથોનમાં શહેર પોલીસ કમિશનર, ગૃહ રાજ્યમંત્રી હર્ષ સંઘવી અને તમામ સેલિબ્રિટી એક સરખી ટી-શર્ટ અને ટ્રેક પહેરીને દોડતા નજરે પડશે. 

જોન અબ્રાહમ-વિકી કૌશલ પણ વધારશે જુસ્સો
આ ઉપરાંત મેરેથોનમાં ભાગ લેનારનો જુસ્સો વધારવા પણ અમદાવાદ પોલીસ દ્વારા ખાસ આયોજન કરવામાં આવ્યું છે. બૉલીવુડ સ્ટાર જોન અબ્રાહમ-વિકી કૌશલ સહિત અન્ય સેલેબ્રિટી પણ લોકોનો જુસ્સો વધારવા આવશે. તે ઉપરાંત ઢોલીવૂડ સ્ટાર્સ એન્ટરટેઈનમેન્ટ કરશે.  ગુજરાતના રાત્રે પશ્ચિમ અમદાવાદના રસ્તા જગમગી ઉઠશે. ઉદ્યોગપતિઓ અને જાણીતી હસ્તીઓ મેરેથોનમાં ભાગ લેશે

1 લાખ લોકો ભાગ લઈ શકે તેવું આયોજન
અમદાવાદમાં ડ્રગ્સની સામે લડાઈ માટે એક લાખ લોકોને શહેરના રસ્તા પર લાવવાનું પોલીસનું પ્લાનિંગ છે. આ મેરેથોનમાં ડિફેન્સના હથિયારોની ખાસ ઝાંખી દેખાશે. યુવાનોને હેલ્થ માટે અવેર કરવા અને ડ્રગ્સના વિરોધમાં જોડાવા માટે એક નવતર પ્રયોગ અમદાવાદ પોલીસ હાથ ધર્યો છે