નાઈટ કર્ફ્યૂ / કોરોના કહેર : કેજરીવાલ સરકારે તાબડતોબ લીધો મોટો નિર્ણય, 30 એપ્રિલ સુધી લાગ્યા આ પ્રતિબંધો

• દિલ્લીમાં રાત્રી કર્ફયુ લગાવાયો 
• રાત્રે 10 વાગ્યાથી સવારે 5 વાગ્યા સુધી કફર્યુ 
• 30 એપ્રીલ સુધી દિલ્લીમાં રહેશે રાત્રી કર્ફ્યૂ 
• કોરોના કેસ વધતા સરકાર દ્વારા નિર્ણય
• એક જ દિવસમાં દિલ્લીમાં નોંધાયા છે 3548 કેસ

તાત્કાલિક લાગુ કરાશે નિર્ણય 

દિલ્હીમાં કોરોના વાયરસના વધતાં કેસને જોતાં સરકાર દ્વારા નાઈટ કર્ફ્યૂ લગાવવામાં આવ્યું છે. રાત્રે 10થી સવારના 5 વાગ્યા સુધી દિલ્હીમાં નાઈટ કર્ફ્યૂ લાગુ રહેશે. દિલ્હી સરકાર દ્વારા આ આદેશ તાત્કાલિક ધોરણે લાગુ કરી દેવાના આદેશ આપવામાં આવ્યા છે. આ નાઈટ કર્ફ્યૂનો નિર્ણય 30મી એપ્રિલ સુધી લાગુ રહેશે. 

કોને કોને રહેશે છૂટ?

દિલ્હી સરકાર દ્વારા જાહેર કરવામાં આવેલી ગાઈડલાઇન અનુસાર ટ્રાફિક મૂવમેન્ટમાં જે લોકોને વેક્સિન લેવા જવું હોય તો જઈ શકાશે પણ તેમણે ઇ-પાસની જરૂર પડશે. રૅશન, કિરાણા, ફળ-શાકભાજી, દૂધ-દવા સાથે જોડાયેલા લોકોએ પણ ઇ-પાસની જરૂર પડશે. આ સિવાય પ્રિન્ટ અને ઈલેક્ટ્રોનિક મીડિયાએ પણ ઇપાસની મદદથી મૂવમેન્ટની મંજૂરી આપવામાં આવશે તથા આઈડી કાર્ડની મદદથી પેરામેડિકલ સ્ટાફના લોકોએ છૂટ રહેશે. ગર્ભવતી મહિલાઓ તથા સારવાર માટે જઈ રહેલા દર્દીઓને પણ છૂટ આપવામાં આવી છે. 

દિલ્હીમાં કોરોનાની પરિસ્થિતિ 

દિલ્હીમાં કોરોના વાયરસના આંકડામાં સતત વધારો જોવા મળી રહ્યો છે. એક સપ્તાહમાં દિલ્હીમાં 3500 કેસ સામે આવ્યા છે. દિલ્હીમાં પાંચમી એપ્રિલે કોરોના વાયરસના 3548 કેસ સામે આવ્યા છે જ્યારે 15ના મોત થાય છે. હાલમાં દિલ્હીમાં 14, 589 એક્ટિવ કેસ છે.