ભુજ / શરમ આવવી જોઈએ! નાઈજીરીયન મહિલા કેદી પર જેલમાં થયું દુષ્કર્મ, ફોનની સુવિધા આપવા કરાયું શોષણ

• વિદેશી મહિલા કેદીની હાઈકોર્ટમાં ફરિયાદ
• ભુજની પાલારા જેલના જેલરે દુષ્કર્મ આચર્યાની ફરિયાદ
• ફોનની સુવિધા આપવા જાતીય શોષણ કર્યાનો આરોપ

નાઈઝિરીયન મહિલા કેદી સાથે જેલરે આચર્યુ દુષ્કર્મ

ભુજની પાલારા જેલમાં પાસોપોર્ટ  સંબંધીત ગુના હેઠળ સજા કાપી રહેલ નાઈજીરીયા દેશની મહિલા કેદીએ જેલ અધિક્ષક વિરૂદ્ધ જાતીય શોષણ કરવામાં આવ્યું હોવાની ફરિયાદ હાઈકોર્ટમાં કરવામાં આવતાં ખડભડાટ મચી ગયો છે. આ અંગે જેલ અધિક્ષકે આ પ્રકરણ એક ષડયંત્ર હોવાનું ગણાવ્યું છે.

ભુજની પાલરા જેલની મહિલા કેદીની હાઈકોર્ટમાં ફરિયાદ

ભુજ આવેલ નાઈજિરીયન મહિલાએ પાસપોર્ટ વગર ભારતમાં નિયમ વિરૂદ્ધ રોકાણ કર્યુ હોઈ તેની ધરપકડ કરાઈ હતી. મહિલા વિદેશી હોઈ પહેલાં તેમને ભુજના જોઈન્ટ ઈન્ટ્રોગેશન સેન્ટરમાં મોકલાયા બાદ ભુજની પાલારા જેલમાં ટ્રાન્સફર કરાયા હતા. ભુજ જેલમાં બંધ આ મહિલા કેદીએ પરિવાર સાથે ફોન ઉપર વાત કરવા જેલના મહિલા કર્મી પાસે મદદ માંગતા આ મહિલા કર્મીએ જો તે જેલ અધિક્ષકને ખુશ કરે તો ફોન આપવા કહ્યુ હોવાનો આરોપ ફરિયાદમાં મુકયો છે.

જેલ અધિક્ષકે ફરિયાદને ષડયંત્ર ગણાવ્યું

ફરિયાદી મહિલાના જણાવ્યા અનુસાર ગત 5 એપ્રિલના રાત્રે દસ વાગ્યે જેલ સુપરિન્ટેન્ડેન્ટ બેરેકમાં આવ્યા હતા અને જબરદસ્તીથી શારીરિક સંબંધ બાંધ્યો હતો. તેવું આ ફરિયાદમાં જણાવાયું છે. દરમિયાન આ ફરિયાદ અન્વયે જેલ અધિક્ષક રાવે આ બાબતને ષડયંત્ર ગણાવી હતી. જેલના નિયમો મુજબ મહિલા બેરેક સુધી એકલી વ્યક્તિને જવાનું શક્ય ન હોવાનું પણ તેમણે ઉમેર્યું હતું.