મંકીપોક્સ માત્ર ભારતમાં જ નહીં પરંતુ વિશ્વના વિવિધ દેશોમાં ઝડપથી પ્રકોપ દેખાડી રહ્યો છે. WHO અનુસાર કુલ 52,997 લોકો મંકીપોક્સ વાયરસથી સંક્રમિત થયા છે. છેલ્લા ચાર અઠવાડિયામાં નોંધાયેલા કેસોમાંથી 70.7 ટકા અમેરિકા અને 28.3 ટકા યુરોપમાંથી આવ્યા છે.
દેશમાં મંકીપોક્સ વાયરસનો ખતરો
દિલ્હીમાં નોંધાયો અન્ય એક કેસ
નાઈજીરિયન મહિલા મંકીપોક્સ સંક્રમિત
દિલ્હીમાં 30 વર્ષીય નાઈજીરિયન મહિલા મંકીપોક્સથી સંક્રમિત મળી આવી છે. દિલ્હીમાં સંક્રમણનો આ આઠમો અને દેશમાં 13મો કેસ છે. સૂત્રોએ જણાવ્યું કે મહિલાને સારવાર માટે લોક નાયક જય પ્રકાશ નારાયણ હોસ્પિટલમાં દાખલ કરવામાં આવી છે.
સૂત્રોએ જણાવ્યું કે અન્ય એક વ્યક્તિ મંકીપોક્સથી સંક્રમિત હોવાની આશંકા છે અને તેને પણ દિલ્હીની સરકારી હોસ્પિટલમાં દાખલ કરવામાં આવ્યો છે. મંકીપોક્સ એ એક વાયરલ બીમારી છે જે સંક્રમિત શખ્સના સંપર્કમાં આવતા એક વ્યક્તિથી બીજી વ્યક્તિમાં ફેલાય છે.
રિસર્ચમાં થયો ખુલાસો
ઇન્ડિયન કાઉન્સિલ ઓફ મેડિકલ રિસર્ચ (ICMR)ના અભ્યાસ મુજબ, ગયા મહિને ઓગસ્ટમાં દિલ્હીમાં પાંચમાંથી ત્રણ કેસમાં heterosexual સંપર્કનો ઇતિહાસ જોવા મળ્યો હતો. પાંચમા કેસમાં લક્ષણની શરૂઆતના 21 દિવસની અંદર વિષમલિંગી સંપર્કની હિસ્ટ્રીનો ખુલાસો કર્યો હતો. પ્રથમ અને ચોથા કેસમાં કોઈ જાતીય સંપર્ક ન હતો, જેમાંથી કોઈએ બાયસેક્સ્યુઅલ અથવા હોમોસેક્સ્યુઅલ એક્સપોઝર દર્શાવ્યું ન હતું,
કેનેડામાં મંકીપોક્સનો કહેર
મંકીપોક્સ માત્ર ભારતમાં જ નહીં પરંતુ વિશ્વના વિવિધ દેશોમાં ઝડપથી પ્રકોપ દેખાડી રહ્યો છે. કેનેડાની જાહેર આરોગ્ય એજન્સી (PHAC) એ શુક્રવાર સુધીમાં દેશમાં મંકીપોક્સના કુલ 1,321 કેસની પુષ્ટિ કરી છે. પુષ્ટિ થયેલા કેસોમાંથી 631 ઓન્ટારિયોથી, 505 ક્યૂબેકના, 143 બ્રિટિશ કોલંબિયાથી, 34 આલ્બર્ટાથી, 3 સાસ્કાચેવાનથી, 3 યુકોનથી અને 3 નોવા સ્કોટીયા, મેનિટોબા અને ન્યૂ બ્રુન્સવિકના એક એક છે.
વર્લ્ડ હેલ્થ ઓર્ગેનાઈઝેશન (WHO) અનુસાર, કુલ 52,997 લોકો મંકીપોક્સ વાયરસથી સંક્રમિત થયા છે. છેલ્લા ચાર અઠવાડિયામાં નોંધાયેલા કેસોમાંથી 70.7 ટકા યુએસ અને 28.3 ટકા યુરોપમાંથી આવ્યા છે. અમેરિકામાં મંકીપોક્સથી બે લોકોના મોત થયા છે.