મહારાષ્ટ્રમાંથી એક ચોંકાવનારો કિસ્સો સામે આવ્યો છે અહીં એક મામૂલી ટાઈપિંગ ભૂલના કારણે કોઈને જેલમાં જવાનો વારો આવ્યો હતો.
મહારાષ્ટ્રમાંથી એક ચોંકાવનારો કિસ્સો સામે આવ્યો
ટાઈપિંગ ભૂલના કારણે નાઈઝીરિયાના શખ્સને જેલમાં જવુ પડ્યું
કોર્ટે હવે 2 લાખ રૂપિયાનું વળતર આપવાનો રાજ્યને આપ્યો આદેશ
જરાં વિચારો કે, ઓફિસમાં આપ કમ્પ્યુટર પર કામ કરી રહ્યા હોવ અને તમારાથી નાનૂ એવી ભૂલ થઈ જાય, તો શું તેના માટે આપને દોઢ વર્ષ જેલમાં નાખી દેવા જોઈએ ? પણ મુંબઈમાં આવું જ કંઈક નાઈઝીરિયાના એક વ્યક્તિ સાથે થયું છે અને હવે બોમ્બે હાઈકોર્ટે મહારાષ્ટ્ર સરકારને આદેશ આપ્યો છે કે, તે આ વ્યક્તિને બે લાખ રૂપિયાનું વળતર આપે.
ટાઈપિંગની ભૂલના કારણે એક શખ્સને જેલમાં મોકલ્યા
આપને જણાવી દઈએ કે, આ મામલોમાં એક કેમિકલ એનાલાઈઝર રિપોર્ટમાં ટાઈપિંગમાં થયેલી મામૂલી ભૂલ સાથે જોડાયેલ છે. આ મામલામાં નાઈઝીરિયાઈ વ્યક્તિને આ ભૂલના કારણે દોઢ વર્ષ સુધી જેલમાં રાખવામાં આવ્યો હતો.
જસ્ટિસ ભારતી ડેંગરેની કોર્ટે જ્યારે મહારાષ્ટ્ર સરકારને આ આદેશ સંભળાવ્યો છે. તો આ મામલામાં સરકારી વકીલ એ.એ તાકલકરે આ પ્રકારની કોઈ નીતિ હોવાની ના પાડી હતી. તેના પર કોર્ટે આકરી ફટકાર લગાવતા કહ્યું કે, જ્યારે પણ સામાન્ય લોકોના અધિકારની વાત આવે છે, વળતર આપવાની વાત આવે છે, તો નીતિ નહીં હોવાની વાત કહેવામાં આવે છે.
કોર્ટે કહ્યું કે, તે આ મામલે વળતર આપવાનો આદેશ આપશે. હવે બીજી કઈ તપાસ બાકી રહી ગઈ છે. આ મામલામાં અધિકારીથી ભૂલ થઈ અને વળતરની રકમ પણ ભૂલ કરનારા અધિકારી પાસેથી જ વસૂલવામાં આવે.
અધિકારીની ભૂલના કારણે નાઈઝીરિયાના શખ્સને જેલમાં મોકલ્યો
જસ્ટિસે કહ્યું કે, આ મામલામાં અધિકારીએ ખુદ કહ્યું છે કે, ભૂલ થઈ છે. એટલા માટે હવે સરકાર શું તપાસ કરશે. તેના પર સરકારી વકીલે કહ્યું કે, આરોપીની ગુનાહિત પુષ્ઠભૂમિ છે. એટલા માટે બની શકે છે, તેથી રિપોર્ટ બનાવતી વખતે ભૂલ થઈ હોય. આ તર્ક પર ન્યાયમૂર્તિએ કહ્યું કે, 22 મહિના બાદ અધિકારીને પોતાની ભૂલ સમજાઈ છે. ત્યારે આવા સમયે હવે અધિકારીને લઈને શું તપાસ કરશો. આવી રીતે ન્યાયમૂર્તિએ નાઈઝીરિયન નાગરિકને બે લાખ રૂપિયા વળતર આપવાનો નિર્દેશ આપ્યો છે.
ATSએ નાઈઝીરિયન નાગરિક એન સૈમ્યુઅલને કોઈ શખ્સને માદક પદાર્થ પહોંચડાવાના આરોપમાં ધરપકડ કર્યો હતો. નાઈઝીરિયન નાગરિકે હાઈકોર્ટમાં જામીન માટે અરજી દાખલ કરી હતી. ધરપકડ બાદ નાઈઝીરિયન પાસે જપ્ત કરાયેલ માદક પદાર્થને તપાસ માટે કાલીનાના ફોરેન્સિક લેબમાં મોકલવાનું હતું. લેબમાંથી પ્રથમ રિપોર્ટમાં આરોપી પાસેથી મળેલા પદાર્થને ડ્રગ્સ બતાવ્યું પણ બાદમાં પોતાનો રિપોર્ટ સુધાર કરીને જે રિપોર્ટ મોકલ્યો તેમાં ટાઈપિંગની ભૂલ થઈ ગઈ હતી. આરોપી પાસે જે સામગ્રી મળી તે કોકેઈન તથા અન્ય માદક પદાર્થ નથી. મામલા સાથે જોડાયેલ તથ્થો પર ધ્યાન આપતા ન્યાયમૂર્તિએ કહ્યું કે, આ મામલૂ ટાઈપિંગ ભૂલ નથી, પણ બહું મોટી ભૂલ છે.