બિઝનેસ / 10 વર્ષની સૌથી મોટી તેજી સાથે બંધ થયું શેરબજાર, રોકાણકારોને થયો આટલા કરોડનો ફાયદો

•  શેરબજારમાં જોરદાર તેજી
• વૈશ્વિક શેરબજારની જોવા મળી અસર 
• રોકાણકારોનો થયો ફાયદો 

એક્સપર્ટના જણાવ્યા અનુસાર, દુનિયાભરમાં તેજી ઝડપથી પરત ફરી રહી છે. તેનો એક ફાયદો ભારતને પણ થયો છે. આ તેજીમાં રોકાણકારોને 8 લાખ કરોડ રૂપિયાનો ફાયદો થયો હતો. આપને જણાવી દઇએ કે, ટકાવારીના આ અંદાજ મુજબ 10 વર્ષની સૌથી મોટી તેજી છે. 

આ કારણે જોવા મળી શેરબજારમાં તેજી ? 

અમેરિકાના શેરબજારોમાં પણ ઉછાળો

કોરોનાના નવા કેસોની ઝડપ ઘટવાથી અમેરિકાના બજારોમાં 7 ટકાથી વધુનો ઉછાળો જોવા મળ્યો છે. ગઇકાલે Dow 1600 અંકથી વધીને બંધ થયો હતો તો વેપારમાં S&P 500, Nasdaq પણ આશા કરતા વધુ વધ્યા હતા. 

કાચા તેલની કિંમતોમાં તેજીથી સહારો

ક્રૂડ પ્રોડક્શન કટ પર સહમતિ થવાના સંકેત મળી રહ્યા છે. નોંધનીય છે કે, તેના પર રશિયા અને સઉદી અરબની વચ્ચે કરાર સંભવ છે. નિષ્ણાતોના મતે કાચા તેલની કિંમતોમાં તેજીથી અનેક દેશોની અર્થવ્યવસ્થાને સહારો મળે છે. તો આ તરફ, કિંમતોમાં મોટા પાયે ઘટાડા થવાથી વધુ ફાયદો નહીં પરંતુ નુકસાન પણ વધુ છે. કારણે કે ભારતમાં રિફાઇનિંગ કંપનીઓની સાથો-સાથ કાચા તેલનું પ્રોડક્શન કરનારી કંપની પણ છે.

Sensex rises by 2046.58 points, currently at 29,637.53: Nifty at 8,667.15 pic.twitter.com/vxNzs6cP4w

— ANI (@ANI) April 7, 2020

જાપાનમાં રાહત પેકેજની જાહેરાત 

કોરોના વાયરસને પહોંચી વળવા માટે જાપાનમાં મોટા રાહત પેકેજની જાહેરાત કરવામાં આવી છે. જાપાન સરકારે 75 લાખ કરોડ રૂપિયા(1 લાખ કરોડ ડોલર)ના રાહત પકેજની જાહેરાત કરી છે. આ તરફ કોરોનાનો ઇલાજ શોધવાના પણ પ્રયાસો હાથ ધરવામાં આવી રહ્યા છે. સંશોધનમાં ખબર પડી છે કે, એન્ટી પેરાસિટિક દવા કોરોનાના ઇલાજમાં ઉપયોગી નીવડી શકે છે.