અમદાવાદના નરેન્દ્ર મોદી સ્ટેડિયમમાં ચોથી ટેસ્ટ મેચ યોજાય તે પહેલા વિરાટ કોહલીએ સોહમ દેસાઇના ફિટનેસને લઈને વખાણ કર્યા છે.
ચોથી ટેસ્ટ મેચ પહેલા વિરાટે સોહમ દેસાઇ અને નીક વેબના કર્યા વખાણ
કહ્યું- બંન્ને ખેલાડીઓને કરાવી રહ્યા છે મજબૂત ટ્રેનિંગ
ટ્વીટ કર્યો ફોટો
ઉલ્લેખનીય છે કે, ભારતીય ટીમના કપ્તાન વિરાટ કોહલીએ પોતાના ટ્વીટર એકાઉન્ટ પર એક ફોટો પોસ્ટ કર્યો હતો અને નીક વેબ તથા સોહમ દેસાઇના વખાણ કર્યા હતા.
ફોટા સાથે લખી કેપ્શન
કોહલીએ ટ્ટીટમાં કેપ્શન લખી કે, આ બંન્ને જીમમાં ખેલાડીઓને સખત ટ્રેનિગ કરાવે છે, જેથી ખેલાડીઓનું કામ સરળ થઇ શકે.
કોણ છે સોહમ દેસાઇ
ઉલ્લેખનીય છે કે, સોહમ દેસાઇ ગુજરાતની રણજી ટીમની ફિટનેસ માટે કામ કરી ચૂક્યા છે અને તેઓ ગજબની ફિટનેસ ધરાવે છે. તેઓ જીમમાં ખેલાડીઓની સાથે પોતે પણ ખૂબ મહેનત કરે છે.
દેસાઇને સ્વિમિંગ તથા ટ્રેકિંગનો ખૂબ શોખ છે. નિક વેબ ન્યૂઝીલેન્ડની મહિલા ક્રિકેટ ટીમના ટ્રેનર રહી ચૂક્યા છે. વેબ ન્યૂઝીલેન્ડની પ્રથમ સિરિઝની ટીમ સેન્ટ્રલ ડિસ્ટ્રીક્ટ અને સ્થાનિક રગ્બી ટીમની સાથે કામ કરી ચૂક્યા છે.
ગુરૂવારે યોજાશે ચોથી ટેસ્ટ મેચ
અત્રે જણાવી દઇએ કે, કેપ્ટન વિરાટ કોહલી, રોહિત શર્મા અને અજીક્ય રહાણે જેવા ભારતના ટોચના ક્રિકેટરોએ ઇગ્લેન્ડ સામેની ચોથી અને અંતિમ ટેસ્ટ પહેલા નેટ પ્રેક્ટિસ કરી હતી. આગામી ગુરૂવારે ચોથી ટેસ્ટ મેચ યોજાશે.