નિક અને પ્રિયંકાએ જણાવ્યું કે કઈ રીતે તેમની બાળકી પાછલા 100 દિવસ સુધી હોસ્પિટલમાં રહી રહ્યા બાદ પહેલી વખત ઘરે આવી છે.
પ્રિયંકા માટે મધર્સ ડે રહ્યો ખાસ
ઘરે પરત ફરી તેની નાનકડી પરી
100 દિવસ હતી હોસ્પિટલમાં
મધર્સ ડેનો દિવસ આમ તો દરેક માતા અને બાળકો માટે ખાસ હોય છે. પરંતુ પ્રિયંકા ચોપડા માટ આ દિવસ વધુ ખાસ બની ગયો છે. તેણે પોતાની દિકરી માલતી મેરી ચોપડા જોનસને પહેલી વખત આ દિવસે ગળે લગાવી. 8 મે 2022એ દુનિયાભરમાં મધર્સ ડે ઉજવવામાં આવ્યો. આ ખાસ દિવસ પર નિક જોનસ અને પ્રિયંકા ચોપડાએ પોતાની દિકરીની પહેલી તસવીર શેર કરી.
ઘરે આવી નાનકડી પરી
નિક અને પ્રિયંકાએ જણાવ્યું કે કઈ રીતે નાની બાળકી પાછલા 100 દિવસોથી વધારે સમયથી હોસ્પિટલમાં રહ્યા બાદ પહેલી વખત ઘરે આવી છે. ફોટોની વાત કરવામાં આવે તો નિક અને પ્રિયંકા તેમાં સાથે બેઠા છે. પ્રિયંકાના ખોળામાં તેમની દિકરી માલતી છે. પ્રિયંકાએ તેને ગળે લગાવી છે. ફોટોમાં બાળકીના ચહેરાને પ્રિયંકા અને નિકે સફેદ હાર્ટ ઈમોજીથી ઢાંકેલું છે.
કપલ માટે આ દિવસો હતા ખૂબ મુશ્કેલ
કેપ્શનમાં પોતાની સ્ટોરી જણાવતા નિક જોનસ અને પ્રિયંકા ચોપડાએ લખ્યું, "આ મધર્સ ડે પર અમે અમુક છેલ્લા મહિનાઓ અને રોલરકોસ્ટર જેવા ઉતાર-ચઢાવ વિશે વિચારી રહ્યા છીએ. અમને ખબર છે કે બીજા પણ ઘણા લોકોએ આવી મુશ્કેલીઓ જેલી હશે. 100થી વધારે દિવસ NICUમાં પસાર કર્યા બાદ અમારી નાનકડી પરી છેલ્લે ઘરે આવી જ ગઈ. "
તેમણે લખ્યું, "દરેક પરિવારનો સફર અલગ હોય છે અને તેમાં વિશ્વાસની જરૂર હોય છે. અમારા પાછલા થોડા મહિના ચેલેન્જથી ભરેલા રહ્યા પરંતુ હવે એક વાત સ્પષ્ટ થઈ ગઈ છે કે દરેક પલ પરફેક્ટ અને કિમતી છે. અમે ખૂબ ખુશ છીએ કે અમારી બાળકી આખરે ઘરે આવી ગઈ છે. અમે લોસ એન્જલિસના Rady Children's La Jolla and Cedar Sinai હોસ્પિટલના દરેક ડોક્ટર, નર્સ અને સ્પેશ્યાલિસ્ટનો આભાર માનવા માંગીએ છીએ. તેમણે નિઃસ્વાર્થ થઈને અમારી મદદ કરી. અમારા જીવનનું નેક્સ્ટ ચેપ્ટર હવે શરૂ થઈ રહ્યું છે. M, મમ્મી અને ડૈડી તને પ્રેમ કરે છે."