બોલિવૂડથી હોલિવૂડની સફર ખેડી ચૂકેલી પ્રિયંકા ચોપરાએ થોડા દિવસ પહેલા જ પોતાનો 40મો જન્મદિવસ ઉજવ્યો હતો જેનો એક વિડીયો હાલ વાયરલ થયો છે.
પ્રિયંકા ચોપરાએ પોતાના 40માં જન્મદિવસની ઉજવણી કરી
પ્રિયંકા અને નિકનો કિસ કરતો વિડીયો થયો વાયરલ
ફરહાન અખ્તરની ફિલ્મ 'જી લે ઝરા'માં જોવા મળશે પ્રિયંકા
બોલિવૂડથી હોલિવૂડની સફર ખેડી ચૂકેલી પ્રિયંકા ચોપરાએ થોડા દિવસ પહેલા જ પોતાનો 40મો જન્મદિવસ ઉજવ્યો હતો અને આ દરમિયાન તેણે ખૂબ જ મસ્તી કરી છે અને આ વાતનો પુરાવો છે સોશિયલ મીડિયા પર વાયરલ થઇ રહેલો જબરદસ્ત વીડિયો. આ ખાસ દિવસે એક્ટ્રેસે પોતાના પરિવાર અને દીકરી સાથે આ દિવસની ઉજવણી કરી હતી, જેની તસવીરો અને વીડિયો સોશિયલ મીડિયા પર વાયરલ થયા હતા. આવી સ્થિતિમાં હવે પ્રિયંકા ચોપરાનો વધુ એક વીડિયો સામે આવ્યો છે, જેમાં તે પોતાના પતિ નિક જોનાસ પર પ્રેમ વરસાવતી અને બધાની સામે કિસ કરતી જોવા મળી રહી છે.
બધા વચ્ચે લીપલોક કરે છે
આ વીડિયોમાં રેસ્ટોરન્ટમાં ડિનર કરતી વખતે નિકે પ્રિયંકાને બધાની સામે કિસ કરી હતી અને આ વીડિયોને પ્રિયંકા ચોપરા અને નિક જોનાસના ફેન પેજ પર શેર કર્યો હતો. પહેલી ઝલક ત્યારે થાય છે જ્યારે તે જાંબલી ડ્રેસ પહેરીને ડિનર ટેબલ પર બેઠી હોય છે અને ડ્રિંક એન્જોય કરવા માટે તૈયાર હોય છે. તે માત્ર કેમેરામાં પોઝ આપી રહી છે, ત્યાર બાદ જ નિક તેને લિપ-કિસ કરે છે.
સાસુ સાથે જોવા મળ્યો નીક
બીજી ઝલક પૂલ પાર્ટીની છે, જે બાદ પ્રિયંકા રેડ ડ્રેસમાં ખુલ્લા પગે રેતી પર ઝૂલતી જોવા મળી રહી છે. વીડિયોમાં જોવા મળી રહ્યું છે કે નિક જોનસ પોતાની સાસુ મધુ ચોપરા સાથે ડાન્સ કરતા જોવા મળી રહ્યા છે. ફેન્સ આ વીડિયોને ખૂબ પસંદ કરી રહ્યા છે અને ઘણા રિએક્શન આપી રહ્યા છે. તમને જણાવી દઈએ કે આ પહેલા પણ પ્રિયંકા ચોપડાના બર્થડે બેશના વીડિયો અને ફોટા સોશિયલ મીડિયા પર વાયરલ થઈ રહ્યા હતા. વર્કફ્રંટની વાત કરીએ તો તે ફરહાન અખ્તરની ફિલ્મ 'જી લે ઝરા'માં કેટરીના કૈફ અને આલિયા ભટ્ટ સાથે જોવા મળશે.