ISIS સાથે સંકળાયેલા આતંકી વસીમ અને નઇમની પૂછપરછ માટે આજે NIAની ટીમ રાજકોટ આવી છે. ATSએ 2017માં વસીમ અને નઇમની ધરપકડ કરી હતી અને હાલ બંને આતંકી ભાઇઓ રાજકોટ જેલમાં બંધ છે. ત્યારે NIA દ્વારા 7 જૂન સુધીમાં ISISના બંને આતંકીઓની પૂછપરછ કરવા માટેની મંજૂરી લેવાઇ છે.
NIAની ટીમ સવારથી સાંજ સુધીમાં વસીમ અને નઇમની પૂછપરછ કરી શકશે. આ અગાઉ IS આતંકી મુક્તિ અબ્બાસ સમીની NIAએ દ્વારા ધરપકડ કરવામાં આવી હતી જેમાં તેણે ચોંકાવનારા ખુલાસા કર્યા છે. જેને લઇ નઇમ અને વસીમની NIAની ટીમ પૂછપરછ કરશે. આતંકી મુક્તિએ બગદાદીના જીવન પરનો વીડિયો ગુજરાત,મહારાષ્ટ્ર અને યુપી સહિતના રાજ્યમાં વાયરલ કર્યો હતો.
આ ઉપરાંત આતંકી મુક્તિ VOIPથી પાકિસ્તાન - સાઉદી અરેબિયા વાત કર્યાનું પણ સામે આવ્યું હતું. ઉલ્લેખનીય છે કે 2017માં વસીમ અને નઇમને ATSએ ઝડપી પાડ્યા હતા ત્યારે હાલ બંને આતંકીઓ રાજકોટની જેલમાં બંધ છે.
IS આતંકી મુક્તી અબ્બાસ સમીની પૂછપરછમાં ચોંકાવનારી વિગતો સામે આવી હતી. જેમાં વીડિયો મારફતે પાકિસ્તાન અને સાઉદી અરેબિયા વાત કરી હોવાનું આવ્યું સામે છે...ત્યારે હવે NIAની ટીમ તમામ બાબતે આતંકી વસીમ અને નઇમની પૂછપરછ કરશે.