ઉત્તર પ્રદેશના અમરોહામાં NIAના દરોડા શંકાસ્પદ આતંકીઓની શોધખોળ

ઉત્તરપ્રદેશના હાપુડ અને અમરોહામાં NIAએ દરોડા પાડ્યા છે. જેમાં બે શંકાસ્પદ શખ્સની અટકાયત કરીને પૂછપરછ હાથ ધરી છે. મહત્વનું છે કે અમરોહાથી ઝડપાયેલા ISISના નવા મોડ્યૂલ હરકત-ઉલ-હર્બ-એ-ઈસ્લામના સરગના મુફ્તી હુસૈન સહિત ચાર શંકાસ્પદ આતંકવાદીને NIAએ રિમાન્ડ પર રાખ્યા છે.

ત્યારથી શંકાસ્પદ આતંકવાદીઓની NIA અને ATS પૂછપરછ કરી રહી છે. ત્યારે પોલીસે શંકાસ્પદ આતંકવાદીઓની તપાસ માટે હાપુડ અને અમરોહામાં દરોડા પાડ્યા છે. જ્યાંથી NIAએ વધુ બે શંકાસ્પદ શખ્સને ઉઠાવીને પૂછપરછ હાથ ધરી છે.

NIAએ અત્યાર સુધી હાપુડમાં ત્રીજી વખત જ્યારે અમરોહામાં ચોથી વખત દરોડા પાડ્યા છે. આઇએસઆઇએસ અને હથિયાર સપ્લાયરો વચ્ચેના જોડાણનું નેટવર્ક તોડવા માટે સુરક્ષા એજન્સીઓ સતત દરોડા પાડી રહી છે.

આઇએસઆઇએસ સાથે જોડાયેલા કથિત નઇમ તેમજ અમરોહાના સુહેલ દ્વારા બતાવામાં આવેલ હથિયાર સપ્લાયરોની શોધ માટે એનઆઇએ દ્વારા કેટલાક સ્થળો પર દરોડા પાડવામાં આવ્યાં છે.

જેમાં એનઆઇએની ટીમ દ્વારા પશ્ચિમી યુપીના અમરોહા અને હાપુડ સહિત પંજાબમાં પણ દરોડા પાડવામાં આવ્યાં છે. જેમાં અમરોહામાં એક શંકાસ્પદની અટકાયતકરી પૂછપરછ કરવામાં આવી રહી છે.

એનઆઇએ ટીમ દ્વારા અગાઉ પણ અહીં દરોડા પાડવામાં આવ્યાં હતા. એનઆઇએની ટીમના સૂત્રો તરફથી મળતી જાણકારી મુજબ જલ્દી જ આ વિસ્તારમાંથી શંકાસ્પદ લોકોની અટકાયત કરી પૂછપરછ કરવામાં આવશે.