IPLIN
 
  • Home
  • India
  • NIA has been conducting raids at multiple locations in Bihar since this morning in connection with the Phulwari Sharif case

દરોડા / ફૂલવારી શરીફ આતંકી મોડ્યુલ કેસ: બિહારમાં ચાર સ્થળોએ ત્રાટકી NIA ની ટીમ, ક્રિપ્ટોકરન્સીના રૂપમાં પૈસા મળ્યા હોવાનું આવ્યુ સામે

Team VTV 10:45 AM, 28 Jul 22
Follow us
NIA has been conducting raids at multiple locations in Bihar since this morning in connection with the Phulwari Sharif case

ફુલવારી શરીફ કેસમાં ઉગ્રવાદી સંગઠન PFI સાથે કનેક્શનને લઈને નેશનલ ઈન્વેસ્ટિગેશન એજન્સી (NIA) આજે સવારથી બિહારમાં અનેક સ્થળોએ દરોડા પાડી રહી છે.

  • ફુલવારીશરીફ ટેરર​​મોડ્યુલ કેસમાં NIAની ટીમે બિહારના દરભંગા અને નાલંદામાં દરોડા કર્યા
  • કતારમાંથી ક્રિપ્ટોકરન્સીના રૂપમાં પૈસા મળ્યા હોવાનું બહાર આવ્યું હતું
  • દાનિશ પાકિસ્તાન સ્થિત કટ્ટરપંથી સંગઠન તહરીક એ લબ્બૈકથી પણ જોડાયેલો 

NIAએ આજે સવારથી બિહારમાં ચાર સ્થળો પર દરોડા પાડ્યાં 

બિહારમાં  ફુલવારી શરીફ કેસમાં પોપ્યુલર ફ્રન્ટ ઓફ ઈન્ડિયા (PFI)ના કનેક્શનને લઈને નેશનલ ઈન્વેસ્ટિગેશન એજન્સી (NIA) આજે સવારથી બિહારમાં ચાર સ્થળો પર દરોડા પાડી રહી છે. NIAના અધિકારીઓએ આ માહિતી આપી છે.ઉગ્રવાદી સંગઠન પોપ્યુલર ફ્રન્ટ ઓફ ઈન્ડિયા (PFI) સાથે જોડાયેલા ફુલવારી શરીફ કેસમાં રાષ્ટ્રીય તપાસ એજન્સી (NIA)ની ટીમો દરભંગાના શંકરપુર ગામ પણ પહોંચી ગઈ છે. આ સાથે આજે NIAની બે ટીમ દરભંગા પહોંચી હતી. એક ટીમ ઉર્દૂ બજારમાં ભાડાના મકાનમાં રહેતા નૂરુદ્દીન જાંગીના પરિવારજનોની પૂછપરછ કરી રહી છે. બીજી તરફ, બીજી ટીમ જિલ્લાના સિંહવાડામાં શંકરપુરના સનાઉલ્લા ઉર્ફે આકીબ અને મુસ્તકીમના ઘરો પર દરોડા પાડી રહી છે. દરભંગાના ત્રણેય આરોપીઓના ઘરો પર એક સાથે દરોડા પાડવામાં આવ્યા હતા.

કતારમાંથી ક્રિપ્ટોકરન્સીના રૂપમાં પૈસા મળ્યા હોવાનું બહાર આવ્યું હતું

થોડા દિવસો પહેલા, ફુલવારી શરીફ આતંકવાદી મોડ્યુલ કેસની તપાસમાં સામે આવ્યું હતું કે આરોપીઓ કતારથી ક્રિપ્ટોકરન્સીના રૂપમાં પૈસા મેળવતા હતા. પોલીસે કહ્યું હતું કે ફુલવારી શરીફના રહેવાસી માર્ગુ અહેમદ દાનિશ (26)ની 15 જુલાઈના રોજ ભારત વિરોધી વિચારો ફેલાવવા માટે ગઝવા-એ-હિંદ અને ડાયરેક્ટ જેહાદના બે વોટ્સએપ ગ્રુપ ચલાવવા બદલ ધરપકડ કરવામાં આવી હતી.પોલીસના એક અધિકારીનું કહેવું છે કે, તપાસ દરમિયાન એકત્રિત કરવામાં આવેલા પુરાવાથી જાણવા મળ્યું છે. દાનિશને કતાર સ્થિત સંગઠન અલ્ફાહીથી ક્રિપ્ટોકરંસીના રૂપમાં કાળું નાણું પ્રાપ્ત થયું હતું. 

દાનિશ પાકિસ્તાન સ્થિત કટ્ટરપંથી સંગઠન તહરીક એ લબ્બૈકથી પણ જોડાયેલો 

અધિકારીઓએ જણાવ્યું હતું કે, તપાસમાં એ પણ જાણવા મળ્યું છે કે, દાનિશ પાકિસ્તાન સ્થિત કટ્ટરપંથી સંગઠન તહરીક એ લબ્બૈકથી પણ જોડાયેલો છે.આ એક પાકિસ્તાની નાગરિક ફૈજાનના નિયમિત સંપર્કમાં  પણ હતો. તેમણે જણાવ્યું કે,તપાસકર્તાઓને જાણવા મળ્યું છે કે રાષ્ટ્રધ્વજ અને પ્રતીકનું અપમાન કરતા સંદેશાઓ ગ્રુપ (ગઝવા-એ-હિંદ) પર શેર કરવામાં આવી રહ્યા હતા. તેણે કહ્યું કે દાનિશ ગ્રુપનો એડમિન હતો અને તે અન્ય કેટલાક વિદેશી ગ્રુપના સંપર્કમાં પણ હતો.

NIA Raids Bihar Phulwari Sharif case એનઆઈએ દરોડા બિહાર ફુલવારી શરીફ કેસ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ